1 Samuele 25:27 - Mawu a Mulluku

²⁷ Pepaani apwiya, akhellani emphaso nnddo miyaano kaporwaanyu kiwiilleemina wa nyuwaano wi mwaakawelle athu murinyunaalla.

1 Samuele 25:27 ပူးပေါင်းရင်းမြစ်များ

1 Samuele 30:26

Davide aphiyalle o Zikilagi ahaarumihella akhwaaye ni oohoollella a Ayuda ddawaakha okhotoni, anamulleella arive muthu wi, “Akhellani emphaso ddanyu nnddo naakhilleehu wa adani a Apwiya.”

Genesis 33:11

Kinimuuvekani wi mwaakhelle emphaso kuukusellemineella. Mulluku aakeerella echifundo nave aakivaha ddoopaalleya ddaka ddittheddene.” Yakobo aavirellella omuwatihera, ophiyera Esau ahaakhella.

2 Mamwene 5:15

Vatulli viwa Naamani ni athu attheene oomuvelleella, yaahokollweella wa namallotella a Mulluku. Aaphiya vamiitthoni va Elisha amulleella wi, “Ngoonani, mi vano koodduwella wi va ellapo ettheene khaawo Mulluku mmodda koma a o Israele. Vano akhellani emphasweella ovenyera wa mi kaporwaanyu.”

2 Akorinto 9:5

Sika kaaganiza wi waari woopaalleya wi kimuveke Tito ni athu eellaalla wi ewe wa nyuwaano kihinaphiye wi ekhozekelle emphaso mwalonjezilleenyu. Sika eneerokhoziwa moovallallella nave ddineerewooniha wi munavelleella moopaalla mwanyu ohiri ekaamba yoowatiheriwa.

2 Samuele 16:2

Mwenoolle aamukoha Ziba wi, “Kaambiiwa tini owiilleewe ni ddenndda?” Ziba ahaakhulla wi, “Amwene, Abulwaalla tti awi athu a munibanjani mwanyu yaawelleke. Buledoolla ni ezipaso ddeellimwenndda tti ddawi akhotwaanyu echeke nave nthumba na vinyonna tti nawi athu ayo enaangomoweke muchipululuni emuwiryeke.”

1 Samuele 25:42

Vano Abigaile aavenya mwawaakuva, amuwella bulwaaye, ahaakusa allupa muttekwaaye aatthiyana atthanu anaathwara amithenga a Davide, aya atthelliwa ni Davide.

Oweeruza 4:10

Baraki aawiithana athu a malloko a Zebuloni ni Nafutali wi ewe o Kedeshi. Athu ayo yamuthwanre yaari 10,000 nave Debora aathaananana.

Miyambo 18:16

Emphaso ennamweeriha muthu wi akhalle ni mpata woophiya vamiitthoni va muthu muullupalli.