1 Samuele 25:26 - Mawu a Mulluku

²⁶ Vano apwiyaaka, tti Apwiya ayo yuuvaanyihalleni wi muhiwiiphe adanaanyu ni mattaanyu. Kinnallupella vamiitthoni va Apwiya wi adanaanyu attheene enapaalla oweerellani yoonanara ellakiwe wonanko Nabala.

1 Samuele 25:26 ပူးပေါင်းရင်းမြစ်များ

2 Samuele 18:32

Vano mwenooyo aamukoha Mukushoolle wi, “Ethiyo musombwe Abishalomu ddoomweetellawo phaama wenko?” Mukushoolle ahaakhulla wi, “Apwiyaaka mwene, adanaanyu ni athu attheene ayo yuuwukilalleni ddooweereyella nnddo ddimweereyelle mwaninyu.”

Genesis 20:6

Mulluku aamwaakhulla moolloha mwemmo wi, “Ee kinnadduwella wi weyaano waheera ddenndda moohikhalla ni yawuupusella murima. Mwawi ddiiddo kuuvaanyihalle tti miyaano wi ohikichimwelle vookonani ni mutthiyanooyo.

Aheberi 10:30

Vawi ninnadduwella wi Mulluku aallota wi awaallaka ni waahokollosella. Mawu a Mulluku yaallotattho wi Apwiya eneeroweeruza athwiiwa.

Daniele 4:19

Sika Daniele oyottho aromolliwa wi Beliteshazara, wa enthawi yooyeva ahaapheella muru, aakatamiheya m'maganizoni mwaye. Mwene aallota wi, “Beliteshazara, ollohanngu ni ottaphullella wiwa ddihiwaapheellihe muru.” Beliteshazara ahaakhulla wi, “Apwiyaaka, waphaama ollohanngu waariki wa adanaanyu nave ottaphullella wiwa wa oowiitani.

Masalimo 44:3

Alliwa kheyaawakhille ellapo voopharihani mutteko nsupada niwa, kheyaapambanille vakhotoni ekaamba ya masiviiwa. Koma yaagonjiha ekaamba ya masivaanyu, ekaamba ya owala wa ekhovaanyu vawi mwaahakallallana.

Yeremiya 29:22

Ekaamba ya athu eellaayo, manddiniiwa eneerekoromolliwa ni Ayuda ookhalla o Babiloni vawaatembelelani akhwiiwa. Eneerekollota wi, ‘Apwiya eweerelle wonanko mmo yaweerenlliiwa Zedekiya ni Ahabu ayo yoosiwe mwene a o Babiloni!’

2 Mamwene 4:6

Mino ddittheddene ddiddanlle, mutthiyanooyo aamulleella mwanaye wi, “Waana muno mmoddattho.” Koma mwaanooyo ahaalleella amennya wi, “Mmodda khawiivo.” Vaavo makhuraalle yaahiya okhuma mu mwanapalli mulle.

2 Mamwene 2:2

Eliya aamulleella Elisha wi, “We Elisha, pepaani khalla vaava vawi Apwiya aakiruma o Betele.” Koma Elisha aallota wi, “Kinimallupella vamiitthoni va Apwiya wi nguuhiyani.” Sika eellaayo yaaya o Betele.

1 Samuele 22:3

Vatulli viwa Davide aavenyawo wenko aya o etawoni ya Mizipa o Mowabu. Amuveka mwene a o Mowabu wi, “Pepaani, muwaakhullelle attiitthaaka ni amoowaaka ekhalleke ni nyuwaano ophiyera kidduwenlle eyo Mulluku anaakeerelleeye.”

1 Samuele 1:26

Hana aallota wi, “Apwiya miyaano tti mutthiyana olle iimenlle vamiitthoni vanyu avekellaka wa Apwiya.

1 Samuele 20:3

Koma Davide aallupellattho wi, “Kinimallupella vamiitthoni va Mulluku! Attiittho ennadduwella wi onnakeerella echifundo sika yaaganiza wi, ‘Yonatani ahidduwelle ddenndda woova wi ttuumoriwa ethakaraka.’ Koma vamiitthoni va Apwiya nave vamiitthoni vawo variyari va miyaano ni okhwa viri wonanko nnyallo nimodda.”

1 Samuele 25:25

Apwiya muhinapwatha nnddo enre mamunaka, muthu oonanara murimoolle. Olliye anaphwanaphwana ni nnddina naye. Vawi nnddina naye ninattaphullella ookarangeya, ddaweera ddaye ddittheddene tti ddookarangeya. Koma miyaano kaporwaanyu ngaawoonille athwaanyu ayo mwaarumalleenyu.

1 Samuele 25:39

Vano Davide iiwalle wi Nabala ookhwa aallota wi, “Etitimiheye Apwiya ayo emuhokolloselle yoonanara Nabala va epewe akeerelleeye nave wi yaakivaanyiha miyaano wi kiheere yoonanara. Apwiya aamuhokollosella Nabala mitteko ddaye ddoonanara.” Vano Davide ahaaruma athwaaye wi yamukohelle Abigaile nibanja wi akhalle mwaariye.

1 Samuele 26:10

Nave Davide ahaalleella wi, “Kinnadduwella wi Apwiya sika enaamwiiphe apaalle nllapo naye nakwakhwana wi akhwe apaalle aniiphiwe okhotoni.

1 Samuele 2:9

Ennateteza okumi wa athu owaaroromella alliwa koma athu oonanara eneerewaakhurumusa mwiipiphini vawi khaavo muthu anaapambane ni masivaaye.

1 Samuele 20:16

nibanja naka miyaano Yonatani nihinatthollowa. Apwiya yaahokolloselle ddoonanara adani attheene a Davide.”

Miyambo 31:12

Mutthiyanooyo annamweerella ddaphaama, woohikhalla ddoonanara mallapo mattheene a okumaaye.