1 Samuele 25:25 - Mawu a Mulluku

²⁵ Apwiya muhinapwatha nnddo enre mamunaka, muthu oonanara murimoolle. Olliye anaphwanaphwana ni nnddina naye. Vawi nnddina naye ninattaphullella ookarangeya, ddaweera ddaye ddittheddene tti ddookarangeya. Koma miyaano kaporwaanyu ngaawoonille athwaanyu ayo mwaarumalleenyu.

1 Samuele 25:25 ပူးပေါင်းရင်းမြစ်များ

1 Samuele 25:17

Vano kapaalla wi mwiiwe ddenndda nave muganizere yawi mweere. Vawi aasimikiza oweerella yoonanara apwiya ni nibanja niwa nittheene. Emoddattho tti yawi apwiyaalle tti ookatamiha vawi khaavo anaawore ollotana wi yiiwe.”

Malaki 2:2

Apwiya Amasiva Mattheene enallota wi, “Mwaahikiiwellellaka, mwaahivahaka olemu ni murimaanyu muttheene nnddina naka, kineerotembelela madaliswaanyu. Kahaatembelela khalle kaambiiwa khamwiiwellelle lamulo naka ni murimaanyu muttheene.

2 Samuele 13:33

Ekaamba ya yeella apwiyaaka amwene muhinahoowa ni maganizo awi aniinyu aallopwana attheene ahiiphiwa. Aminonive sika iiphiwe.”

Yesaya 42:25

Sika yaanishella murima wunchichi, yaanihoosa ni ekhoto. Yaahella munllo virive veko voonaapheella, koma hiyaano oohiiwesesa. Munllo waanishellelliha, koma hiyaano oohihudderavo ello.

1 Samuele 25:26

Vano apwiyaaka, tti Apwiya ayo yuuvaanyihalleni wi muhiwiiphe adanaanyu ni mattaanyu. Kinnallupella vamiitthoni va Apwiya wi adanaanyu attheene enapaalla oweerellani yoonanara ellakiwe wonanko Nabala.

1 Samuele 25:24

Ahinavenye aallota wi, “Apwiya mullatu okhalle waaka. Mukaakhullelle miyaano kaporwaanyu wi killote ni nyuwaano nave mwiiwellelle mawaaka.

Yesaya 32:5

Ookarangeya khavahiwa olemu nave oolleka khariiheya.

1 Samuele 25:3

Muthooyo nnddina naye aari Nabala nave mwaariye nnddina naye aari Abigaile. Mutthiyanooyo aari eezeru ni ooreera koma mamunooyo aari awumma murima ni oonanara mu ddaweera ddaye. Aari oovenyera mu nlloko na Kalebe.

Miyambo 29:7

Muthu oolungama annadduwella ddoophwanella oohoowa koma oonanara khanna ezeru ddennddo.