1 Samuele 25:23 - Mawu a Mulluku

²³ Abigaile amoonilleeye Davide aakittha vabuluni vaye mwawaakuva iikuhella vatthi moopopheya ekhove vamiitthoni va Davide.

1 Samuele 25:23 ပူးပေါင်းရင်းမြစ်များ

1 Samuele 20:41

Vano mullupa muttekoolle arowille, Davide aakhumellella okhwipi wa malluku yuukelliwaalle avelleella olemu voopopheyani ekhovaaye vatthi oraru. Yaakhupaarellana attheene yaamba winlla koma Davide ahinlla moollipiha.

Oweeruza 1:14

Nllapo nimodda, Akisooyo aphiyalle, Otiniyele aamuwatihera mwaariyoolle wi aveke emata wa Kalebe attiitthinnya. Akisa akitthalle vabulunaaye, Kalebe aamukoha wi, “Ethiyo onapaalla tini?”

Yoswa 15:18

Nllapo nimodda, Akisooyo aphiyalle, Otiniyele aamuwatihera mwaariyoolle wi aveke emata wa Kalebe attiitthinnya. Akisa akitthalle vabulunaaye, Kalebe aamukoha wi, “Ethiyo onapaalla tini?”

1 Samuele 24:8

Vano nayeenettho Davide aakhuma amwiithana Saulo wi, “Apwiya, mwene!” Saulo amuwehille Davide aamuvaha olemu voowaramellani vatthi.

Rute 2:10

Vano Rute aakokhora, apopheya ekhovaaye vatthi nave aakoha wi, “Kaambiiwa tini mukeerelleenyu echifundo ni opwatha dda miyaano, mulleto?”

1 Samuele 25:24

Ahinavenye aallota wi, “Apwiya mullatu okhalle waaka. Mukaakhullelle miyaano kaporwaanyu wi killote ni nyuwaano nave mwiiwellelle mawaaka.

1 Samuele 25:41

Mutthiyanooyo aakokhora apopheya ekhovaaye vatthi allota wi, “Mi kiri ookhozeka okhalla kaporo a Davide naari ohapiha manyallo a allupa muttekwaaye.”

2 Samuele 1:2

Nllapo naneeraru aamoona akhoto oovenyera o mulloko wakhoto wa Sauli. Aawara matapwata nave ahiihella ethaya m'muruni mwaye wooniha omoriwa ethakaraka. Aphiyalle wa Davide aakokhora amuvaha olemu.

2 Samuele 9:6

Mefibosheti, mwaana a Yonatani, mwaana a Saulo, aphiyalleeye wa Davide, aawarama vamiitthoni va Davide avelleella olemu. Vano Davide aallota wi, “Mefibosheti!” Olliyooyo ahaakhulla wi, “Koowa mi oorumeyellaanyu.”

2 Samuele 14:4

Mutthiyana a o etawoni ya Tekowoolle aphiyalle wa Davide ahiikuha apopheya ekhovaaye vatthi amullapella mwenooyo nave aallota wi, “Amwene kikavihereni,”

2 Samuele 18:28

Vano Ahimaazi aakhuwa wa mwene allota wi, “Etitimiheye Apwiya Mullukwaanyu ayo yaavelleelle m'mattani mwanyu athu ayo yuuwukilalleni nyuwaano apwiyaaka amwene.”

1 Epilli 21:21

Davide aphiyalle, Orinani aatukhulla miittho nave aamoona Davide. Vano aavenyawo o nipuro noomuuputhellawo tirigunko amuvaha olemu Davide moopopheya ekhove.