1 Samuele 25:21 - Mawu a Mulluku

²¹ Enthawi yeeyo Davide aari allotille wi, “Kirimoona ohoowa vootetezani ddeko ddittheddene dda muthu yoolla nndde ddaari ochipululuni vawi kheyiivo naari ello emodda mwa ddeko ddaye nnddo yarimeelle. Koma olliye akihokolloselle ddoonanara munipuroni mwa ddaphaama.

1 Samuele 25:21 ပူးပေါင်းရင်းမြစ်များ

Miyambo 17:13

Muthu aahokollosaka yoonanara eerelliwe yaphaama otulli khomallaka vaatte vaye.

Aefeso 4:31

Hiyani ollutuwa, osimwa, osha murima, ohumullullana, ollotellana epewe apaalle wiitana orive ottheene.

Aefeso 4:26

Mwasha murima, osha murima wanyunko ohuuchimwiheni nave nndduwa nihivollowe muri oosha murima.

Aroma 12:21

Muhigonjihiwe ni yoonanara koma mugonjihe yoonanara ni yaphaama.

1 Petro 3:17

Vawi tti waphaama ohoosiwa ekaamba yaweera ddaphaama, ohiyana ni weera ddoonanara.

1 Atesalonika 5:15

Chenjerani wi mmodda ahimuhokolloselleke yoonanara mukhwaaye oyo amweerelle yoonanara. Koma mallapo mattheene mweeseeseke weera ddaphaama wa ookhulupilila akhwiinyu ni wa athu attheene.

1 Petro 3:9

Muhimuhokolloselleke mukhwiinyu yoonanara aweerellani yoonanara apaalle omutembelela olliye uutembelelani koma mumuhokolloselleke madaliso wi Mulluku uudaliseni wonanko alonjezilleeye awiithanneeyeni.

Yeremiya 18:20

Ethiyo yoonanara ttuukhalla mallivello a ello yaphaama? Koma aakikatella nlliti wi kimorellemo. Upuwellani wi kaawa wa nyuwaano waavekellella wi muhaashelle murima.

Masalimo 38:20

Ayo enakihokollosella ddoonanara munipuroni mwa ddaphaama ennakivaanyiha, vawi kinnathwara ddaphaama.

Masalimo 37:8

Rapa osha murima ni onanariwa, ohineera ddennddo vawi ddinnawiiha ddookatamiha.

Masalimo 35:12

Ennakihokollosella ddoonanara va ddaphaama. Murimaaka wooddalla ni ethakaraka.

Yobu 30:8

Anamwani ookarangeya, oohikhalla ni nnddina, yahiikarihiwa ni owashulliwa mwiillaponi.

1 Samuele 25:13

Davide ahaalamula athwaaye wi, “Arive muthu akuse nsupada naye.” Sika arive muthu aakusa nsupada naye. Davide nayeenettho aakusa nsupada naye. Athu ayo yamuthwanre Davide yaari 400. Koma athu ayo yahanlle enamuwehera katundu yaari 200.

Genesis 44:4

Yeetille vang'ono okhuma m'muzindanimmo, Yosefe aamulleella kaporwaaye oowehera ddittheddene dda mpa mwaye wi, “Timulla, waathamakelle athwaalle. Waaphwanya, waakohe wi, ‘Kaambiiwa tini muhokolloselleenyu ddoonanara munipuroni mwa ddaphaama?

1 Samuele 25:7

Kohiiwa wi munachema enkhosa ddanyu. Abusaanyu yaariiwa ni hiyaano wuno khanaawaawullihalle muru nave kheyaaramille ello enthawi ettheene yaariiwa o Karimele.

1 Samuele 25:15

Koma athu yaayo yaaneerella ddaphaama, kheyaaniwullihalle muru. Vawi kheyiivo ello napaalleehu enthawi ettheene naariihu ni alliwaayo obusani.

1 Samuele 25:20

Vano mutthiyanooyo amuwenlle bulwaaye aphiya museresere mwa mwaango mmodda aamoona Davide ni athwaaye ewaaka wa olliye. Nave mutthiyanooyo aakumanana.