1 Samuele 25:18 - Mawu a Mulluku

¹⁸ Vano Abigaile mwawaakuva aakusa mitthi dda buledi 200, mathumba anttapara a vinyo meelli, enkhosa dditthanu ddawoosawoosa, makilogramu 17 a tirigu awaarika, mpesa wawumma wookwakhwana matta 100 owaaka makeke a namukuyu 200. Aadditukhulliha ddittheddenennddo va abulu.

1 Samuele 25:18 ပူးပေါင်းရင်းမြစ်များ

2 Samuele 16:1

Davide akhwaranyille vang'ono vaddullu va mwaango, aakumana ni Ziba, oorumeyella a Mefibosheti, ari ni abulu eelli a esaduro vamutthanani etukhullalle mitthi dda buledi 200, mpesa wawumma 100 ezipaso ddeellimwe 100 owaakattho nthumba na vinyo.

Mateyu 5:25

“Muthu uukusella vanthatoni namillatu amba weeseesa waattana ni oyo uusumenlle mwawaakuva. Waaheera ddiiddo aneerewuuvelleella wa aweeruza nave ooweeruzooyo aneerewuuvelleella wa akhoto wi akhotooyo uuhiye mundende.

Miyambo 18:16

Emphaso ennamweeriha muthu wi akhalle ni mpata woophiya vamiitthoni va muthu muullupalli.

Miyambo 21:14

Emphaso yoovelleella mwawiipittheya ennakhurumusa osha murima nave yamukaphwani, owalli woollipa.

1 Epilli 12:40

Naarittho athu oovenyera wuuteete monga o Isakara, o Zebuloni ni o Nafutali yaawaana ddoocha va abulu, va ekamira,* va enama enyuru ni va magaretiiwa. Yahiireya ddoocha ddinchichi, makeke anamukuyu, mpesa wawumma, vinyo ni makhura. Yaawattho ni eng'ombe, enkhosa ddinchichi vawi mwaakhalla ehakallallo mu Israele.

1 Samuele 25:34

Apwiya Mulluku a Aisraele sika akivaanyihalle wi kihuuvoreyeni. Kinimallupella vamiitthoni va Mulluku Ookumi. Mwahaakuvalleke okumana ni miyaano voophiyani ohinase, allopwana attheene a Nabala yaakhalle yiiphiwe.”

1 Samuele 17:17

Nllapo nimodda Yese aamulleella Davide wi, “Mukuse tirigu awaarika makilogaramu khumi ni mitthi khumi ddabuledi, oye wawinnye asinnawo omisasani ddiwa ddakhoto.

1 Samuele 25:17

Vano kapaalla wi mwiiwe ddenndda nave muganizere yawi mweere. Vawi aasimikiza oweerella yoonanara apwiya ni nibanja niwa nittheene. Emoddattho tti yawi apwiyaalle tti ookatamiha vawi khaavo anaawore ollotana wi yiiwe.”

Miyambo 31:12

Mutthiyanooyo annamweerella ddaphaama, woohikhalla ddoonanara mallapo mattheene a okumaaye.