1 Samuele 25:17 - Mawu a Mulluku

¹⁷ Vano kapaalla wi mwiiwe ddenndda nave muganizere yawi mweere. Vawi aasimikiza oweerella yoonanara apwiya ni nibanja niwa nittheene. Emoddattho tti yawi apwiyaalle tti ookatamiha vawi khaavo anaawore ollotana wi yiiwe.”

1 Samuele 25:17 ပူးပေါင်းရင်းမြစ်များ

1 Samuele 20:7

Attiitthwaayo yaakhullella, ddeko ddineerokeetella phaama miyaano kaporwaawo. Koma yananariwa odduwelle wi enapaalla okeerella yoonanara.

Deuteronomo 13:13

wi athu amodda oonanara amutundwaanyu yohaahollosa athu a mapuro mamodda vawaallapelliha milluku nnddo nyuwaano muhinaddillapellekeenyu waambeella khalle.

Estere 7:7

Vano mwene aavenya moonanariwa nave aaya o nthato na enyumbaaye. Koma Hamani aahalla wi aveke wa mwaaramwene Estere wi avulluse okumaaye vawi aadduwella wi mwene aasimikiza omweerella yoonanara.

2 Epilli 25:16

Alloteeye ddennddo mwene aamukoha wi, “Ethiyo we nahuutthoolla wi okhalle oomulangiza mwene? Maalleya! Kaambiiwa tini onapaalleewe wiiphiwa?” Nave namallotellooyo aamaalleya wa enthawi yooyeva nave aallota wi, “Koodduwella wi Mulluku ookhozeka wi awoonongeni ekaamba moheera ddenndda navettho khemwawiiwellelle malangizwaaka.”

2 Epilli 13:7

Vano athu amodda oohikhalla ni mutteko yaatthukumana wa olliye emunyaambusa Rehobowamu mwaana a Solomoni ari mung'onong'ono ni oohillipa murima wi ttuullipanana athwaalle.

1 Mamwene 21:13

Athu eellaalle yaavollowa ekeraatthi moowehana ni olliye. Yaambille ni ovelleella omboni vamiitthoni va athu attheene wi, “Naboti aamutembelela Mulluku navettho mwene.” Sika athwaayo yaamukhumiha otte wa muzinda emuvokha malluku ophiyera okhwa.

1 Mamwene 21:10

Mwaakuse athu eelli oonanara murima wi emuhumullulle ni mawu awi, ‘We woomutembellela Mulluku ni mwene.’ Vano mumukhumihe otte nave mumvokhe malluku akhwe.”

1 Samuele 25:25

Apwiya muhinapwatha nnddo enre mamunaka, muthu oonanara murimoolle. Olliye anaphwanaphwana ni nnddina naye. Vawi nnddina naye ninattaphullella ookarangeya, ddaweera ddaye ddittheddene tti ddookarangeya. Koma miyaano kaporwaanyu ngaawoonille athwaanyu ayo mwaarumalleenyu.

1 Samuele 20:9

Yonatani ahaakhulla wi, “Iyaayi mukhwaaka, ohinakhupanyaka. Koona wi attiitthaaka enapaalla owiipha kineerewuulleella.”

1 Samuele 2:12

Anamwani a Eli yaari oonanara, oohaadduwella Apwiya.

Oweeruza 19:22

Yachiiwa moohakallalla, yaawoona athu a m'muzindanimmo, athu oonanara, yaaphenlle enyumbeeyo yuukuthaka nchiwi. Yaamulleella muthu awuulluvalloolle, mwaneena a enyumboolle wi, “Mukhumihe muthu olle awiille mpa mwawo wi nikonena.”

1 Samuele 10:27

Koma athu amodda oonanara murima yaallota wi, “Ethiyo muthu yoolla anaawore onivullusa mwawiidde?” Sika yahaamba omuvevulla Saulooyo vawi kheyaamwinnyattho emphaso ddaye. Koma Saulo khallota ello.

1 Samuele 25:16

Yaananiteteza otthaana ni mahiiyu wonanko mpanda enthawi ettheene naariihu ni alliwaayo woochiha eziweto o Rama.

1 Samuele 25:18

Vano Abigaile mwawaakuva aakusa mitthi dda buledi 200, mathumba anttapara a vinyo meelli, enkhosa dditthanu ddawoosawoosa, makilogramu 17 a tirigu awaarika, mpesa wawumma wookwakhwana matta 100 owaaka makeke a namukuyu 200. Aadditukhulliha ddittheddenennddo va abulu.

2 Samuele 24:13

Sika Gadi aawa wa Davide amulleella wi, “Mutthoolle munapaalleenyu, ethiyo vikhalle miyakha miraru dda ettalla mu ellapwaanyu apaalle nyuwaano mwaathaweke adanaanyu wa miyeri miraru apaalle mallapo mararu a mullilli mu ellapwaanyu? Vano ganizerani yawaakhulla wi kamulleelle oyo akirumalle kaahokollowaka.”

Miyambo 12:8

Muthu annariihiwa moollikana ni ezerwaaye koma ookhoromana murima annavevulliwa.