1 Samuele 25:10 - Mawu a Mulluku

¹⁰ Nabala aawaakhulla athu a Davidaalle wi, “Ethiyo Davide mwaana a Yese ttaani? Mallapo yaalla wookhalla allupa mutteko anchichi ayo enaathawa apwiiwa.

1 Samuele 25:10 ပူးပေါင်းရင်းမြစ်များ

Oweeruza 9:28

Vatulli viwa Gaala, mwaana a Ebedi aallota wi, “Ethiyo hi athu a o Shekemu niri awiidde? Kaambiiwa tini ninamurumeyelleehu Abimeleki? Ethiyo olliye ttaani? Khahiyo mwaana a Gideoni, oyo analamulella Zebuli? Koma vano kaambiiwa tini hiyaano ninamurumeyellaahu? Hankoni nikhalle vatulli va nikhollo nahu Hamori oyo aambihalle nlloko nahu.

Yesaya 32:7

Oolleka ettilla ddaye tti ddoonanara vawi anaganizella ddeekuku wi aweerelle echiwembu oohoowa voowoottherani naari ehilakwille.

Yesaya 32:5

Ookarangeya khavahiwa olemu nave oolleka khariiheya.

Oollalleya 7:10

Ohinakohaka wi, “Kaambiiwa tini mallapo akhalle yaakhwarannyiiwa allello?” Wenko khe okoha weezeru.

1 Mamwene 12:16

Aisraele attheene yoonilliiwa wi mwenoolle khaawaakhullelle yapaalliiwannddo, yaamwaakhulla wi, “Ethiyo hi niri ninti ni Davide? Khaninna yoohallana mwa mwaana a Yese. Kheyiivo ninaaphurevwaahu va yoohallana ya mwaana a Yese. Nyu Aisraele, hokollweellani owaninyu, we Rehobowamu, mwaana a Davide, alamulelleke athwaawo.” Sika Aisraele yaahokollweella owaniwa.

2 Samuele 20:1

Vano waakhalla muthu oohitthopoowa, nnddina naye Sheba, mwaana a Bikiri a nlloko na Benjamini. Olliye nllapo nimodda ahoopa nipallapata allota wi, “Hi khaninna echigawo mu omwene wa Davide, khaniinnattho yoohallana mu omwene wa Yese! Nyu Aisraele, arive muthu ayeeke o enyumbaaye.”

1 Samuele 22:2

Vano attheene ayo yaari ni ddookatamiha apaalle ekongoli apaalle ohihakallalla yaakwakhwana 400. Nave yaatthukumana wa Davide, akhalla awaahoolleelliiwa.

1 Samuele 20:30

Vaavo Saulo aamushella murima Yonatani nave amusimwella wi, “We mwaana oowukila ni oohiroromelleya wonanko amaayo. Ethiyo oneesa wi miyaano nginadduwella wi weyaano onniiwanana wunchichi ni Davide, mwaana a Yese. Khonadduwella wi anapaalla wuuwulliha muru weyaano ni amaaywaalla.

Eksodo 5:2

Koma Farao ahaakhulla wi, “Ethiyo Apwiyaayo ttaani wi miyaano ttuuwiiwellella ddennddo ni owaakhullella Aisraele wi evenyemo? Apwiyaayo nginaadduwella nave ngiwa kaakhullella wi Aisraelaayo evenyemo.”

1 Samuele 25:9

Vano athu a Davidaalle yaaphiya, emutthopoollella Nabala mawu mattheene Davide aalleelleeye. Nave yaamutiyera Nabala wi awaakhulle.

Miyambo 15:1

Waakhulla wawiithaalla onnakhurumusa murima koma mawu oovoreya ennashiha murima.