1 Samuele 24:15 - Mawu a Mulluku

¹⁵ Ekaamba ya yeella Apwiya eneereweeruza wi ooneye oolakwa variyari va nyuwaano ni miyaano. Eneerokiteteza nave eneerewooniha echilungamwaaka vookivullusani wa nyuwaano.”

1 Samuele 24:15 ပူးပေါင်းရင်းမြစ်များ

Masalimo 43:1

“Nyu Mulluku, kamullani wi miyaano ngilakwille, mukiseere vamullatuni vaka ni oohikhulupilila, mukivulluse wa athu oolleka ni oohilungama.

Masalimo 119:154

Mukikavihere va mullatwaaka, mukoopolle mukivahe okumi moollikana ni mawaanyu.

Masalimo 35:1

Nyu Apwiya, mullipanena athu oollipana ni miyaano, muwane ni athu oowana ni miyaano.

1 Samuele 24:12

Apwiya sika enaawoonihe wi oolakwa ttaani variyari va nyuwaano ni miyaano. Apwiya yuuhokolloselleni ddoonanara ekaamba ya nndda munakeerelleenyu. Koma miyaano ngiweerellani erive ello yoovoreya.

Mika 7:9

Kinaphwanella ovillella owalli wa Apwiya kaambiiwa kahaachimwella ophiyera yiiwalle mullatwaaka ni owukamulla. Koma vatulli viwa eneerokivollochiha mu owala nave kineerewoona ovullusa wiwa.

Mika 1:2

Nyu athu a mitundu ddittheddene, iwani! We ellapo yavatthi ni ddittheddene ddookhalla mwemmo, Apellani maaru! Apwiya Mulluku Amasiva Mattheene enawiipani mullatu, enallota ovenyera o enyumbiiwa yaweella.

2 Epilli 24:22

Sika mwene Yowashi khuupuwelle ddaphaama nnddo Yehoyada attiitthinnya a Zekariya amweerelleeye koma aamwiipha mwanaye. Nave vookhwani aallota wi, “Apwiya ennoona nave ehokolloselle!”

1 Samuele 26:4

Davide ahaaruma athu wi yazonde nave yahoona wi Saulo oophiya.

Oweeruza 11:27

Vano miyaano nguulakwelleni koma nyuwaano sika munakilakwella voowanani ekhoto ni miyaano. Enaaweeruze tti Apwiya nave sika enaakamulle ollellova variyari va Aisraele ni Aamoni.”

1 Samuele 25:39

Vano Davide iiwalle wi Nabala ookhwa aallota wi, “Etitimiheye Apwiya ayo emuhokolloselle yoonanara Nabala va epewe akeerelleeye nave wi yaakivaanyiha miyaano wi kiheere yoonanara. Apwiya aamuhokollosella Nabala mitteko ddaye ddoonanara.” Vano Davide ahaaruma athwaaye wi yamukohelle Abigaile nibanja wi akhalle mwaariye.

1 Samuele 17:43

Vano Mufilistooyo aamukoha Davidooyo wi, “Onawa ni ekopo ethiyo miyaano onakeesa mwanapwa?” Vano ahaamba omutembelela Davidooyo vooromollani milluku ddaye

1 Samuele 26:20

Sika nyuwaano muhinaakhullella wi miyaano kikhwelle wuuteete ni Apwiya vawi mwene a Aisraele anapaalla okiipha mi ettotthomwa, muthu oohipaalleya, wonanko mmo athu enasayelliiwa ekhwalli m'mwaangoni.”