1 Samuele 24:11 - Mawu a Mulluku

¹¹ Attiitthaaka, ngayooneni echigamba ya otthoka wa mukanjwaanyu ella eri m'mattani mwaka. Vano mudduwelle wi m'murimani mwaka khamuri yoopaalla weera yoolakwa apaalle wuuwukilani vawi koophadda echigamba ya mukanjwaanyu koma wohiwiiphani. Miyaano nguulakwenlleni ello naari nyuwaano mukaashaashaka wi mukiiphe.

1 Samuele 24:11 ပူးပေါင်းရင်းမြစ်များ

1 Samuele 26:20

Sika nyuwaano muhinaakhullella wi miyaano kikhwelle wuuteete ni Apwiya vawi mwene a Aisraele anapaalla okiipha mi ettotthomwa, muthu oohipaalleya, wonanko mmo athu enasayelliiwa ekhwalli m'mwaangoni.”

1 Samuele 23:23

Vano moonesese mapuro mattheene aniipittheeyemo nave muwettho wuno ni okilleella ddawoona ddiwa. Vano kineerewuuthwarani nave akhalla wenko kineeromwaashaasha variyari va athu attheene ellapo ettheene ya Yuda.”

1 Samuele 23:14

Davide iipittha m'makhunguni mu ellapo yamiyaango muchipululuni mwa Zifi. Saulo aavirellella omwaashaasha koma Mulluku khaawaakhullelle wi Davide aphariwe.

Yohane 15:25

Ddaari ddiidda wi mawu oolembiwa m'malamuloni yakwakhwanihiwe awi, ‘Yaakiita kihaalakwenlle.’

2 Mamwene 5:13

Koma oorumeyellaaye yaasusera vakhuviru emukoha wi, “Pepaani apwiya, ethiyo namallotella uulamulellekeni ello yuullupalli khamweere? Ethiyo tti yookatamiha ohapa wonanko mmo allotelleeye?”

1 Samuele 26:18

Kaambiiwa tini apwiya munakaashaasheenyu mi mullupa muttekwaanyu? Kheyiivo yoonanara eyo keerilleemi nave kheyiivo eyo kichimwalleemi!

Mika 7:2

Athu oororomelleya aamalla va ellapo yavatthi, khaavo naari mmodda oolungama. Attheene enniipitthellana wi emorihe nikhame, arive muthu annamusaya mbalaaye ni nthavi.

Ezekiele 13:18

“Waalleelle wi mi Apwiya Mulluku kinallota wi, ‘Otulli wa aatthiyana ayo enasowa ezitumwa dda m'muwononi ayottho enasowa ekuwo ddoomuruni ddoohiyanahiyana wi yaakopeke athu. Ethiyo munapaalla waakopa athwaaka koma nyuwaano muvulluwe?

Maliro 4:18

Athu yaananithwara manyallo, khenaaworattho weeta m'misewuni ddahu. Mallapwaahu yaanayeva, okhwa wahu wahaatamella, omalla wahu waaphiya.

Miyambo 15:1

Waakhulla wawiithaalla onnakhurumusa murima koma mawu oovoreya ennashiha murima.

Masalimo 140:11

Muhaakhullelle wi avayanoni akeraattheye mu ellapo, yoonanara emuthwareke muthu eekuku ophiyera emoonongille.

Masalimo 35:7

Adanaayo yaakireya nikwekwe vihiri ekaamba, yaakikatella nlliti miyaano kihaallinke.

Yobu 10:16

Naari vawiillipihani meekha, munnakisaya wonanko mukango, munnakoopopiha ni masivaanyu.

1 Samuele 18:27

Davide aaya okhotoni ni akhotwaaye nave aawiipha Afilisti 200. Vano aawaana etthoka dda mattapariiwa avelleella wa mwene Saulo wi akhalle mukamwene a mwene. Saulo aamwinnya Davidooyo mwanaye, Mikala wi amutthelle.

1 Samuele 25:28

Pepaani mukhululukelle machimo a miyaano kaporwaanyu. Ddawoona, Apwiya eneerokeraatthiha nibanja nanyu mu omwene vawi munnamuwanella ekhoto. Nave yoonanara khephwanyeya mwa nyuwaano okumaanyu muttheene.

Masalimo 59:3

Nyu Apwiya, ngawooneni ayo eniipitthella okumaaka, athu awoopiha ahiiwanana wi ewane ekhoto ni miyaano, naari kihichimwalle apaalle kihilakwille.

Masalimo 119:161

Oolamulella ennakihoosa vihiri ekaamba koma murimaaka onnoova mawaanyu.

1 Samuele 12:3

Kuukoheni apaalle yookhallavo eyo kichimwalleemi wa nyuwaano? Yaarivo kiivaanyiheni vamiitthoni va Apwiya ni va mwenaanyu oozoziwa.* Ethiyo ttaani kamwaakhillekeemivo eng'ombe? Ttaani kamwaakhillekeemivo bulu? Ttaani kamoottotthillekeemivo apaalle omuhoosa. Ethiyo kaakhenlle ddamukaphwani ddawani wi mullatwaaye weete phaama? Oyo anaavelleelle omboni wawoona, kineeromuhokollosella ddittheddene kakusalleemi.”

1 Samuele 26:23

Apwiya enamudalisa muthu oororomelleya ni aweera ddaphaama. Apwiya yaakivaha ekari wi kiwiipheni koma ngaapanlle owiiphani nyuwaano mwene oozoziwa.

2 Samuele 1:14

Davide aamukohattho wi, “Yahiwoovihalle tti tini owiipha apwiya, oozoziwa* ni Apwiya?”

Masalimo 7:5

mudanooyo akiikarihe ophiyera akipharille, akinyingalle ophiyera akiiphalle, akihiye kiri kwalaa, mathayana.