1 Samuele 23:6 - Mawu a Mulluku

⁶ Abiyatara, mwaana a Ahimeleki, oyo athawenlle wa Davide aamukusa efodi* athaanana ni Davide o Keila.

1 Samuele 23:6 ပူးပေါင်းရင်းမြစ်များ

1 Samuele 22:20

Koma Abiyatara mwaana a Ahimeleki sika avulluwalle, athawella wa Davide.

1 Samuele 14:18

Saulo amulleella Ahiya wi, “Waana wuno efodooyo.” Enthawi yeeyo efodi aari ni Ahiya vamiitthoni va Aisraele.

1 Samuele 14:3

Vaakhallattho Ahiya, mullupa mukutho oyo awara yoowara yoopangiwa ni ekuwo yaweella wunchichi yookhalla ni efodi.* Olliyoolla aari mwaana a Ahitubi, mwanamunne a Ikabodi mwaana a Finehasi. Finehasooyo aari mwaana a Eli, mullupa mukutho muullupalli a o Shilo. Vano athu kheyaadduwella wi Yonatani oovenyavo.

1 Samuele 23:2

Vano Davide ahaakoha Apwiya wi, “Ethiyo kiye kawanena Afilistaayo?” Apwiya yaamulleella wi, “Khawe wawanena Afilistaayo wi waavulluse muzinda wa Keila.”

1 Samuele 23:5

Sika Davide ni athwaaye yaaya o Keila nave yaawana ni Afilistaayo. Yaawiipha akhoto anchichi ni owaakha eng'ombe ddiwa. Vano ahaavullusa athu a o Keila.

1 Samuele 23:7

Saulo iiwalle wi Davide ari o Keila, aallota wi, “Mulluku ookivaha wi kimwiiphe. Ohiikoliha yeekhaaye m'musamphani voovollowani mu muzinda oyo ori ni mpanda nave mullakwiiwa onawalleya ni mikoko ddoollipa.”

1 Samuele 23:9

Koma Davide aadduwella wi Saulo anapaalla omwiipha. Vano aamulleella mullupa mukutho Abiyatara wi aweena efodi.

1 Samuele 30:7

Vano Davide aamulleella mullupa mukutho Abiyatara, mwaana a Ahimeleki wi, “Okinnye yoowara yoopangiwa ni ekuwo yaweella wuunchicheelle yookhalla ni efodi.”* Abiyatara aamwinnya.

1 Mamwene 2:26

Vano mwene aamulleella mullupa mukutho Abiyatara wi, “Khawe owaninyu o Anatoti vawi onaphwanella okhwa. Koma ngiwiipha veneva kaambiiwa waatukhulla nibokosi na echipangano na Apwiya Mulluku waariiwe ni attiitthaaka Davide navettho wi waahoowa nimodda ni attiitthaaka.”

Eksodo 28:6

“Yoowara ya efodi eyisowe ni olusi wagolide ni mapururu abululu, ooreera oofiira ni oofiira navettho ekuwo yabafuta aphaama ni yawoopiwa mweeruso.