1 Samuele 23:4 - Mawu a Mulluku

⁴ Vano Davide aavekattho ezeru wa Apwiya nave yaamwaakhulla wi, “Timulla, oye o Keila, kineerewaavelleella Afilistaayo m'mattani mwawo.”

1 Samuele 23:4 ပူးပေါင်းရင်းမြစ်များ

Oweeruza 7:7

Sika Apwiya yaamulleella Gideoni wi, “Kineerewuuvullusani ni athu 300 yaallave ayo yawiryalle moonyangulla maaddaalle. Vano kineerewaavelleella m'mattani mwawo Amidiyani. Koma amodda attheenaayo eroweke owaniwa.”

Yoswa 8:7

Vano mutthupulluwe nko munaawiipittheenyu nave mwaakhe muzindooyo. Apwiya Mullukwaanyu, eneerewuuvahani muzindooyo.

2 Mamwene 3:18

Nave ella tti yooyeva vamiitthoni va Apwiya. Alliwa eneerewaavelleellattho Amowabu m'mattani mwanyu.

2 Samuele 5:19

Vaavo Davide aamukoha Mulluku wi, “Ethiyo kiyeewo kawanena Afilisti? Ethiyo muneerewaavelleella m'mattani mwaka?” Nave Apwiya yaamwaakhulla wi, “Khawe, kineerewaavelleella m'mattani mwawo.”

1 Samuele 28:6

Sika ahaaveka Apwiya yawi eere koma kheyaamwaakhullalle naari oweella muullohani, mwa allupa mukutho apaalle mwa anamallotella.

Oweeruza 6:39

Vano Gideoni aallotattho ni Mulluku wi, “Muhinakishella murima mukaakhullelle wi killotettho omoddave wenngu. Pepaani, mukaakhullelle wi vamapururunimva vikhalle vawumma nave vathayani vatthevenemva vimme nikame.”

1 Samuele 10:22

Vano athwaayo yahaakoha Apwiya wi, “Ethiyo Sauloolla ari weewuno?” Apwiya yahaakhulla wi, “Ee iipitthalle variyari va katundu.”

1 Samuele 23:2

Vano Davide ahaakoha Apwiya wi, “Ethiyo kiye kawanena Afilistaayo?” Apwiya yaamulleella wi, “Khawe wawanena Afilistaayo wi waavulluse muzinda wa Keila.”

1 Samuele 23:3

Koma athwaaye Davide yaamulleella wi, “Ninakhalla mwawoova o Yuda weewuno ninaawoove mwawiidde naya woowana ni Afilistaayo o Keila?”

1 Samuele 23:5

Sika Davide ni athwaaye yaaya o Keila nave yaawana ni Afilistaayo. Yaawiipha akhoto anchichi ni owaakha eng'ombe ddiwa. Vano ahaavullusa athu a o Keila.

1 Samuele 30:8

Vano Davide aaveka wa Apwiya voollotani wi, “Ethiyo kiwuthware mulloko wakhoto wa Aamaleke? Ethiyo kineerewaagonjiha?” Apwiya yaamwaakhulla wi, “Athware vawi oneerewaagonjiha nave oneerowaavullusa akaporwaayo,”

2 Samuele 2:1

Ddiviralle ddenndda Davide ahaakoha Apwiya wi, “Ethiyo kiye mu muzinda mmodda mwa mizinda dda Yuda?” Apwiya yaamwaakhulla wi, “Ee, khawe.” Vano Davide aakoha wi, “Kiye muzindeene oovi?” Apwiya yaallota wi, “Oye o Hebroni.”

Oweeruza 7:9

Mahiiyu vaavo Apwiya yaamulleella Gideoni wi, “Venya khawe wawane ekhoto ni Amidiyani ayo eri m'misasanimmo vawi kooddivelleella m'mattani mwawo.

1 Epilli 14:10

Vaavo Davide aamukoha Mulluku wi, “Ethiyo kiyeewo kawanena Afilisti? Ethiyo muneerewaavelleella m'mattani mwaka?” Nave Apwiya yaamwaakhulla wi, “Khawe, kineerewaavelleella m'mattani mwawo.”