1 Samuele 23:26 - Mawu a Mulluku

²⁶ Saulo aaweella embali emodda ya mwaango nave Davide ni athwaaye yaaweella embali emodda ya mwaangooyo. Vano Davide ni athwaaye yahaakuva ethawa vawi Saulo aamwaapheella Davide ni athwaaye wi yaaphare.

1 Samuele 23:26 ပူးပေါင်းရင်းမြစ်များ

Masalimo 17:9

ehikoone athu oonanara, adanaaka awoopiha ayo enakaapheella.

Yawuupullulla 20:9

Eneereweeta va ellapo yavatthi ettheene nave aneerewaapheella misasa dda athu a Mulluku nave ni muzinda oyo Mulluku anawukondeeye. Koma munllo oneerovenyera oddullu nave oneerewoononga attheene.

2 Akorinto 1:8

Asinnihu ni arokorihu, ninaaka mudduwelle dda ddoohoosa noonilleehu mu echigawo ya Asiya.* Ddoohoosa ddahu ddaari dduullupalli ohiyana ni masivaahu. Nave khanaadduwella wi apaalle nineerokhalla ni okumi.

Masalimo 31:22

Kaallota mookhupanya wi, “Aakivenyiha m'mattani mwa nyuwaano.” Koma nyuwaano mwahiiwa oveka waka kuukhupanyelleemini wi mukikavihere.

Masalimo 22:16

Athu eekuku aakaapheella wonanko enama ddamuhakani, aaphovolla mattaaka ni manyallwaaka.

Masalimo 22:12

Adanaaka anchichi amasiva aakaapheella, aakuupa wonanko anankhoro a enari.

Masalimo 17:11

Ennakithwarathwara manyallo, ennakaapheella, ennakiweha wi ekiphwanyelle ettilla yookikuhella.

2 Epilli 20:12

Nyu Mullukwaahu, ethiyo yaalla khemwaallaka? Vawi hi kheninna masiva awi ttuullipanana athu enaanihelle ekhoto. Kheninna yaweera koma miitthwaahu eri va nyu.”

2 Samuele 15:14

Vano Davide ahaalleella akhoto ayo aariiyena o Yerusalemunko wi, “Timullani, hankoni nithawe wi ninaawe nirame mpata woomuthawella Abishalomu. Akuvani, woova wi aniphwanya mwawaakuva nave aneeroniipha attheene m'muzindanimmu.”

1 Samuele 20:38

Yonatani aamulleella mullupa muttekooyo wi, “Akuvaka, ohiniimella.” Mullupa muttekoolle aatota mpaamboolle awaana wa apwinnya.

1 Samuele 19:12

Sika Mikala aamukhumihella Davide vaniwindoni athawa.

Oweeruza 16:2

Athu a o Gaza yaalleelliwa wi, “Samisoni ari weewuno.” Vano athwaayo yahaapheella nipuronno yiipittha mahiiyu mattheene va mullako wa muzindooyo. Alliwaayo yaamaalleya mahiiyu mattheene ellotaka wi, “Hankoni nimutiyere ophiyera ohinase osillewo, vatulli viwa nimwiiphe.”

1 Samuele 23:25

Vano Saulo ni akhotwaaye yaaya yamwaashaashaka Davide koma olliye aari iiwalle. Ella sika ekaambiiwa athawilleeye aya omwaangoni wa malluku muchipululuni ya Mawoni. Vano Saulo iiwalle wi Davide aathawella o Mawoni aamuthwara ochipululuni wenko.

1 Samuele 23:27

Enthawi yeeyo vaaphiya oorumiwa emulleella Saulo wi, “Akuvani! Vawi Afilisti erina waahella ekhoto Aisraele.”