1 Samuele 23:2 - Mawu a Mulluku

² Vano Davide ahaakoha Apwiya wi, “Ethiyo kiye kawanena Afilistaayo?” Apwiya yaamulleella wi, “Khawe wawanena Afilistaayo wi waavulluse muzinda wa Keila.”

1 Samuele 23:2 ပူးပေါင်းရင်းမြစ်များ

1 Samuele 23:4

Vano Davide aavekattho ezeru wa Apwiya nave yaamwaakhulla wi, “Timulla, oye o Keila, kineerewaavelleella Afilistaayo m'mattani mwawo.”

2 Samuele 5:23

Vano Davide aamukohattho Apwiya nave Mulluku aamulleella wi, “Ohinawanana moowehanana koma owaapheelle nave waaphiyere otulli wiwa nave waahelle ekhoto vanipuroni noowehana ni miteekho.

2 Samuele 5:19

Vaavo Davide aamukoha Mulluku wi, “Ethiyo kiyeewo kawanena Afilisti? Ethiyo muneerewaavelleella m'mattani mwaka?” Nave Apwiya yaamwaakhulla wi, “Khawe, kineerewaavelleella m'mattani mwawo.”

Yeremiya 10:23

Nyu Apwiya, kinnadduwella wi okumi wa muthu khe waaye, khanawora wiihoollella yeekha.

1 Samuele 30:8

Vano Davide aaveka wa Apwiya voollotani wi, “Ethiyo kiwuthware mulloko wakhoto wa Aamaleke? Ethiyo kineerewaagonjiha?” Apwiya yaamwaakhulla wi, “Athware vawi oneerewaagonjiha nave oneerowaavullusa akaporwaayo,”

1 Samuele 23:6

Abiyatara, mwaana a Ahimeleki, oyo athawenlle wa Davide aamukusa efodi* athaanana ni Davide o Keila.

Yoswa 9:14

Aisraele yaallawiha ddoocha ddiwannddo ehaakohille Apwiya.

Masalimo 32:8

Apwiya enallota wi, “Kineerewuulleella ni wuuhuddiha ettilla eyo onaaweetekeewemo. Kineerewuulangiza nave miitthwaaka eneerokhalla va weyaano.

1 Epilli 14:10

Vaavo Davide aamukoha Mulluku wi, “Ethiyo kiyeewo kawanena Afilisti? Ethiyo muneerewaavelleella m'mattani mwaka?” Nave Apwiya yaamwaakhulla wi, “Khawe, kineerewaavelleella m'mattani mwawo.”

Oweeruza 1:1

Yoswa akhwille, Aisraele yahaakoha Apwiya wi, “Tti nlloko nene niivi ninaawaambe owana ni Akanani?”

Numeri 27:21

Vano aneerekoya wa Eleazara oyo anaamulleelleke nnddo Apwiya enapaalliiwa mwawoombesa voopharihani mutteko Urimu ni Tumimu.* Mmu sika anaamuhoollellekeeye Yoswa ni Aisraele attheene.”

1 Samuele 10:22

Vano athwaayo yahaakoha Apwiya wi, “Ethiyo Sauloolla ari weewuno?” Apwiya yahaakhulla wi, “Ee iipitthalle variyari va katundu.”

1 Samuele 23:3

Koma athwaaye Davide yaamulleella wi, “Ninakhalla mwawoova o Yuda weewuno ninaawoove mwawiidde naya woowana ni Afilistaayo o Keila?”

2 Samuele 2:1

Ddiviralle ddenndda Davide ahaakoha Apwiya wi, “Ethiyo kiye mu muzinda mmodda mwa mizinda dda Yuda?” Apwiya yaamwaakhulla wi, “Ee, khawe.” Vano Davide aakoha wi, “Kiye muzindeene oovi?” Apwiya yaallota wi, “Oye o Hebroni.”

1 Samuele 14:37

Vano Saulo aamukoha Mulluku wi, “Ethiyo naathware Afilistaalla? Ethiyo moonivaha ekari wi niwiiphe?” Koma Mulluku khaamwaakhullalle nllapo nenno.