1 Samuele 23:12 - Mawu a Mulluku

¹² Vano Davide ahaakohattho Apwiya wi, “Ethiyo athu a o Keila eneerokivelleella ni athwaaka wa Saulo?” Apwiya yahaakhulla wi, “Ee, aneerewuuvelleella.”

1 Samuele 23:12 ပူးပေါင်းရင်းမြစ်များ

Masalimo 31:8

Khamukihiyalle m'mattani mwa adanaaka, koma mookihiya va nipuro namurendelle.

1 Samuele 23:20

Vano nyu amwene, moollikana ni mmo onapaallella murimaanyu kitthani mwaapaallaka. Hiyaano nineeromuvelleella m'mattani mwanyu.”

Masalimo 62:1

Murimaaka onnamaalleya omutiyera Mullukuve, ovullusiwa waka onavenyera wa olliye.

Aheberi 4:13

Kheyiivo ello enavittheya vamiitthoni va Mulluku, ddeko ddittheddene ddinnakhalla vawooneya nave ddinnakhunuulliwa vamiitthoni vaye. Nave attheenehi ninaphwanella wi nimutthopoollelle mitteko ddahu.

Yesaya 29:15

Otulli wa athu ayo eniipitthiha maganizwiiwa vamiitthoni va Apwiya, ayo eneera mitteko ddiwa mwiipiphini ni ollota wi, “Ttaani ananoona ni odduwella nineereehu?”

1 Samuele 23:7

Saulo iiwalle wi Davide ari o Keila, aallota wi, “Mulluku ookivaha wi kimwiiphe. Ohiikoliha yeekhaaye m'musamphani voovollowani mu muzinda oyo ori ni mpanda nave mullakwiiwa onawalleya ni mikoko ddoollipa.”

Masalimo 118:8

Othawella wa Apwiya tti waphaama okhwaranya omuroromella muthu.

Oweeruza 15:10

Athu a o Yuda yaakoha wi, “Kaambiiwa tini munawaneenyu ni hiyaano? Niwiille wi nimumake Samisoni wi nimweere nnddo aneerelleeye.”

1 Samuele 23:11

Ethiyo athu a o Keila eneerokivelleella wa Saulo? Ethiyo Saulo aneeroowa wonanko mi oorumeyellaanyu kiiwelleemimmu? Nyu Apwiya Mulluku Aaisraele, killeelleni.” Apwiya yaamulleella wi, “Ee, Saulo eneeroowa.”

Yeremiya 11:18

Apwiya yaakuupullullella nave kaadduwella vawi yaakoonihella mitteko ddittheddene ddoonanara dda athwaayo.

Masalimo 143:8

Ohinase mukiiwihe dda echikondaanyu yoohisintheya, kaambiiwa kinnuuroromellani. Mukitthoonyihelle ettilla yawi keetemo, vawi kinnavelleella murimaaka wa nyuwaano.