1 Samuele 22:23 - Mawu a Mulluku

²³ Koma weyaano okhalleke ni miyaano, ohinoovaka vawi oyo anapaalla owiipha weyaano tti yooyo anapaalla okiipha miyaano. Waakhallaka ni miyaano kineerekewuuteteza.”

1 Samuele 22:23 ပူးပေါင်းရင်းမြစ်များ

1 Mamwene 2:26

Vano mwene aamulleella mullupa mukutho Abiyatara wi, “Khawe owaninyu o Anatoti vawi onaphwanella okhwa. Koma ngiwiipha veneva kaambiiwa waatukhulla nibokosi na echipangano na Apwiya Mulluku waariiwe ni attiitthaaka Davide navettho wi waahoowa nimodda ni attiitthaaka.”

Yohane 18:9

Aallota ddenndda wi mawu aallotilleeye ekwakhwanelle awi, “Mwa ayo mwaakivahilleenyu khaavo mmodda akirimeellevo.”

Yohane 15:20

Upuwellani kuulleelleemini wi, ‘Kaporo khanaakhwaranya apwinnya.’ Amodda yaakihoosa miyaano, sika amodda eneerewuuhoosanittho nyuwaano. Amodda yaathwara ehuddihwaaka, sika amodda eneerothwarattho yaanyu.

Yohane 17:12

Kaariimi ni yaayo kahaateteza phaama mu masiva a nnddina nanyu, mwakivahilleenyu miyaano. Kahaawehera alliwaayo nave khaavo mmodda arimeellevo, omuhiya muthu olle aphwanenlle orimeella wi mawu a Mulluku ekwakhwanihiwe.

Mateyu 24:9

“Vano muneeromakiwa ni okuselliwa woollakiwa ni wiiphiwa. Athu attheene eneerowiitani kaambiiwa nyuwaano tti oohudderaaka.

1 Mamwene 1:7

Adoniya aallota ni Yowabu mwaana a Zeruya ni mullupa mukutho Abiyatara nave yahiiwanana omukavihera.

1 Samuele 23:17

Yonatani aamulleella Davide wi, “Ohoove, attiitthaaka khewiipha. Oneerokhalla mwene a Aisraele nave miyaano kineerokhalla aneepiilli wa weyaano. Attiitthaaka ennadduwellattho ddenndda.”

2 Samuele 9:7

Davide aamulleella wi, “Ohoove. Kinapaalla wi kiweerelle echifundo ekaamba ya Yonatani, attiittho. Kineerewuuhokollosella ellapo ettheene ya apwiiyo Saulo. Onaacheke ni miyaano mallapo mattheene.”