1 Samuele 22:2 - Mawu a Mulluku

² Vano attheene ayo yaari ni ddookatamiha apaalle ekongoli apaalle ohihakallalla yaakwakhwana 400. Nave yaatthukumana wa Davide, akhalla awaahoolleelliiwa.

1 Samuele 22:2 ပူးပေါင်းရင်းမြစ်များ

Mateyu 11:28

“Waani wa miyaano attheenenyu ootopa ni oollemelliwa m'murimani mwanyu, miyaano kineerowiithuuwihani.

1 Samuele 30:6

Davide aahoowa wunchichi vawi athu yaamushella murima enapaalla omuvokha malluku vawi mirima dda athu attheene ddaamoriwa ethakaraka ekaamba yawi aniiwa aallopwana ni aatthiyana. Koma Davide ahiillipiha murima mwa Apwiya Mullukwaaye.

1 Samuele 25:13

Davide ahaalamula athwaaye wi, “Arive muthu akuse nsupada naye.” Sika arive muthu aakusa nsupada naye. Davide nayeenettho aakusa nsupada naye. Athu ayo yamuthwanre Davide yaari 400. Koma athu ayo yahanlle enamuwehera katundu yaari 200.

1 Samuele 23:13

Vano Davide ni akhotwaaye ayo yaari 600, yaavenyawo o Keila moothawa. Saulo iiwalle wi Davide oothawawo o Keila, ahaalleella akhotwaayo wi ehiyeewo.

1 Samuele 9:16

“Osiisello enthawi wonanko yeella kinneerewuurumihella muthu ovenyera o nlloko na Benjamini, omuzoze ni makhura a olivi vamuru vaye wooniha wi anaakhalle mwene aathwaaka, Aisraele. Aneerewaavullusa athu wa Afilisti. Kohoona ollakiwa wiwa nave kohiiwa winlla wiwa.”

1 Samuele 1:10

Hana murima waanamuvoreya nave aavekella wa Apwiya inllaka moovoreyiwa murima.

Oweeruza 11:3

Sika Yefita ahaathawa abalaayaayo akhalla mu ellapo ya Tobu. Wenko ahaakopa akhwaaye oohikhalla ni mutteko wi emuthwareke nave yoonongeke ddeko nimodda.

Aheberi 2:10

Ddeko ddittheddene ddaphatusiwe ni Mulluku nave ekaamba ya olliyooyo. Vano waari waphaama wi Mulluku omweeriha Yesu wi akhalle aphaama oweella mu ddoohoosa wi Yesooyo aakuselle anamwani anchichi o ntitimiho naye nave wi akhalle oohoollella a yoovullusa.

Mateyu 11:12

Waambeella enthawi eyo Yohane allalleyeeye ophiyera ollello omwene wa Mulluku wookhalla owukiliwaka nave athu oowukilaayo enneeseesa wi yaakhe omwenooyo.

Miyambo 31:6

Omuvaheke yoowirya yoowalli muthu oyo ari vakhuviru okhwa nave vinyo wa oyo ari mu ddookatamiha ddawoopiha.

2 Mamwene 20:5

“Hokollowa, wamulleelle Hezekiya, mwene a athwaaka wi, ‘Mi Apwiya Mulluku a nikhollo nawo Davide kohiiwa ovekella wawo nave kooddoona miitthori ddawo. Vano kineerewuuchiriha. Oneerowora ollapella o enyumba ya Apwiya omuroto vano.

2 Samuele 17:8

Hushai aallotattho wi, “Munnadduwella wi attiitthaanyu tti amasiva, athwiiwattho tti amasiva nave wi attheene murimiiwa onavoreya wonanko ezimbalangondo ddaakhiwe asaaniiwa muchipululuni. Woonjerera vaavo attiitthaanyu tti akhoto. Kheni ekhalle ni akhotwiiwa mahiiyu mattheene.

2 Samuele 5:2

Ovenyera khalle naari Saulo aariiye mwenaahu nyuwaano mwaanaahoollella Aisraele okhotoni. Nave Apwiya yaallota ni nyuwaano wi, ‘Oneerokhalla wonanko mbusa a athwaaka Aisraele nave oneerokhalla mwene a Aisraele.’ ”

Oweeruza 18:25

Athu a nlloko na Danaalle yahaakhulla wi, “Ohinavirellella otokollolla, mwaamodda athwaalla ttuusha murima nave ttuuwuukutha, sika we ni nibanja nawo nittheene muneerewiiphiwa.”

1 Samuele 22:3

Vatulli viwa Davide aavenyawo wenko aya o etawoni ya Mizipa o Mowabu. Amuveka mwene a o Mowabu wi, “Pepaani, muwaakhullelle attiitthaaka ni amoowaaka ekhalleke ni nyuwaano ophiyera kidduwenlle eyo Mulluku anaakeerelleeye.”

2 Mamwene 4:1

Nllapo nimodda, mwaara a mmodda a m'mulloko wa anamallotella aaya wa Elisha nave aaveka mookhuwa wi, “Mamunaka oyo aari oorumeyellaanyu aakhwa. Nave nyu munnadduwella wi olliye aanawoova Apwiya. Vano woophiya muthu oyo mamunaka akongonleeyewo ddeko nave anapaalla aakuse anaaka eelli wi ekhalle akaporwaaye ekaamba ya ekongoleeyo.”