1 Samuele 22:19 - Mawu a Mulluku

¹⁹ Vano Saulo aalamula wi athu attheene a o Nobu, muzinda olle wakhalla allupa mukuthwaalle yiiphiwe. Sika allopwana ni atthiyana, anamwani ni akantchewa, eng'ombe, abulu ni enkhosa, ddittheddenndda ddahiiphiwa ni akhotwaaye.

1 Samuele 22:19 ပူးပေါင်းရင်းမြစ်များ

1 Samuele 15:3

Khaweni vano mwawanena ekhoto Aamalekaayo, moononge ddeko ddiwa ddittheddene oohihiya naari mmodda. Mwawiiphe allopwana, atthiyana, anamwani ni akantcheweene. Mwiiphettho eng'ombe, enkhosa ni abulu attheene.”

Yakobo 2:13

Vawi muthu aweeruza moohikhalla ni echifundo nayeenettho Mulluku aneeromweeruza moohikhalla ni echifundo. Koma oyo ari ni echifundo khanoova echiweruzo ya Mulluku.

Hoseya 10:14

Adanaanyu eneerewuuwukilani. Mizinda dda mipanda ddanyu ddineerewoonongiwa monga mwene Shalamani oononngelleeye muzinda wa Betaribeli vakhotoni. Va nllapo na ekhotonno ahaanyenya amoowe ni aniiwa.

Yesaya 10:32

Ollello adanaayo eniimelle o Nobu, eneerotikha miwono ddiwa owoopopiha athu a o Ziyoni, mwaango wa Yerusalemu.

Nehemiya 11:32

o Anatoti, Nobi, Ananiya,

1 Samuele 22:11

Vano mwene Saulo aamwiithaniha Ahimeleki, mwaana a Ahitubi ni attheene a munibanjani naattiitthinnya ayo yaari allupa mukutho o Nobu. Attheenaayo yaawa.

1 Samuele 22:9

Vaavo Doegi a o Edomu oyo iimenlle vakhuviru ni enduna dda Saulo aallota wi, “Mi kaamoona mwaana a Yese ayaaka o Nobu wa Ahimeleki, mwaana a Ahitubi.

1 Samuele 21:1

Davide aaphiya wa mullupa mukutho Ahimeleki o Nobu. Ahimeleki aamuchingamella atthukumellaka amukoha wi, “Kaambiiwa tini muriinyu nyookhaanyu, woohikhalla ni muthu naari mmodda awuuvelleellani?”

1 Samuele 15:9

Koma Saulo ni athu ayo aariiyena, kheyaamwiiphalle mwene Agagi. Kheyaawiiphallettho enkhosa ni eng'ombe ddooreeresesa, asaanaang'ombe ni asaana a enkhosa ayo yaari ooneneva ni ddeko ddittheddene nnddo ddaari ddaphaama. Yoonongille ddennddove ddaari ddoohikhalla ni mutteko ni ddoohitthopoowa.

Yoswa 6:21

Vano yaavollowa m'muzindani, masupada eri m'mattani mwiwa, ewiipha attheene ni masupada awiisha allopwana ni atthiyana, attekweene ni anamwani, eng'ombe, enkhosa ni abulu.

Yoswa 6:17

Muzindoolla ni ddittheddene ddiri mwemmo muddoononge wi ddikhalle wonanko mukutho woovelleella wa Apwiya. Koma Rahabuve mutthiyana ooraruwoolle ni attheene a mpa mwaye mwaasunge vawi aawiipitthiha oozondaalle.

Mateyu 21:16

Sika yaamukoha Yesu wi, “Munniiwa enallotiiwanndda?” Yesu ahaakhulla wi, “Kinniiwa. Khamweerengille mawu a Mullukwaalle awi, ‘Mohaahuddiha anamwani ni akantchewa wi yuutitimihekeni phaama.’ ”

1 Samuele 15:8

Yaamukusa Agagi, mwene Aamaleke, ari mukumi koma athu amodda attheene yaawiipha.