1 Samuele 22:10 - Mawu a Mulluku

¹⁰ Nave Ahimeleki ahaakoha Apwiya ddoophwanella wi Davide eere. Vano aamuvaha yoocha, amwinnyattho nsupada na Goliati, Mufilistoolle.”

1 Samuele 22:10 ပူးပေါင်းရင်းမြစ်များ

Numeri 27:21

Vano aneerekoya wa Eleazara oyo anaamulleelleke nnddo Apwiya enapaalliiwa mwawoombesa voopharihani mutteko Urimu ni Tumimu.* Mmu sika anaamuhoollellekeeye Yoswa ni Aisraele attheene.”

1 Samuele 30:8

Vano Davide aaveka wa Apwiya voollotani wi, “Ethiyo kiwuthware mulloko wakhoto wa Aamaleke? Ethiyo kineerewaagonjiha?” Apwiya yaamwaakhulla wi, “Athware vawi oneerewaagonjiha nave oneerowaavullusa akaporwaayo,”

1 Samuele 23:4

Vano Davide aavekattho ezeru wa Apwiya nave yaamwaakhulla wi, “Timulla, oye o Keila, kineerewaavelleella Afilistaayo m'mattani mwawo.”

1 Samuele 23:2

Vano Davide ahaakoha Apwiya wi, “Ethiyo kiye kawanena Afilistaayo?” Apwiya yaamulleella wi, “Khawe wawanena Afilistaayo wi waavulluse muzinda wa Keila.”

1 Samuele 23:12

Vano Davide ahaakohattho Apwiya wi, “Ethiyo athu a o Keila eneerokivelleella ni athwaaka wa Saulo?” Apwiya yahaakhulla wi, “Ee, aneerewuuvelleella.”

1 Samuele 22:15

Ethiyo ella tti enthawi yawaamba okohera wa Apwiya dda olliyoolla? Iyaayi! Nyu amwene muhinallotella erive ello yoonanara wa mi oorumeyellaanyu apaalle wa arive muthu a mu nibanja naattiitthaaka vawi kheyiivo eyo kinadduwelleemi naari vang'ono va mwaha yoolla.”

1 Samuele 22:13

Saulo aamukoha wi, “Kaambiiwa tini okiwukilalleewe moowiiwanana ni mwaana a Yese? Waamwinnya yoocha ni nsupada nave wahaakoha Apwiya yawi Davide eere. Woomoona vano ookiwukila nave anapaalla okiipha!”

1 Samuele 10:22

Vano athwaayo yahaakoha Apwiya wi, “Ethiyo Sauloolla ari weewuno?” Apwiya yahaakhulla wi, “Ee iipitthalle variyari va katundu.”

1 Samuele 22:11

Vano mwene Saulo aamwiithaniha Ahimeleki, mwaana a Ahitubi ni attheene a munibanjani naattiitthinnya ayo yaari allupa mukutho o Nobu. Attheenaayo yaawa.

1 Samuele 21:10

Nllapo nenno Davide aatimulla anamuthawa Saulo nave aaya wa Akishi mwene a o Gati.