1 Samuele 20:5 - Mawu a Mulluku

⁵ Davide aamwaakhulla Yonatani wi, “Osiisello tti nllapo na Ehakallallo ya Wooneya wa Mweeri nave kinaphwanella wi kache ni amwene. Koma okaakhullelle wi kiipitthe m'matani ophiyera omuroto misikuwa.

1 Samuele 20:5 ပူးပေါင်းရင်းမြစ်များ

Numeri 10:10

Va mallapwaanyu oohakallalla, ootthoolliwa a Ehakallallo dda Wooneya wa Mweeri, mwiipe mapallapata mwaavelleellaka mikutho ddooshellelliha ni mikutho ddeeyaattano. Mapallapataayo eneerewuukaviherani wi kiwuupuwellekeni. Mi tti Apwiya Mullukwaanyu.”

1 Samuele 19:2

Vano Yonatani aamulleella Davide wi, “Attiitthaaka enapaalla owiipha weyaano. Sika ochenjere, osiisello ohinase oye wiipitthe m'matani.

Numeri 28:11

“Va nllapo nawaamba na orive mweeri, muvelleelleke wa Apwiya mukutho wooshellelliha. Mukuthooyo okhalleke wa anankhoro a asaanaang'ombe eelli, nankhoro a enkhosa emodda ni anankhoro a asaanaankhosa atthanu ni eelli a muyakha mmodda, ddittheddene ddikhalleke ddoohirakalla.

Masalimo 81:3

Ipani nipallapata va wooneya wa mweeri, wooneya wamututha va nllapo na ehakallallo.

Akolose 2:16

Sika muhaakhullelle wi arive muthu uuvaheni malamulo a nnddo munacheenyu apaalle owirya apaalle dda Ehakallallo ya Wooneya wa Mweeri apaalle dda nllapo na Sabata apaalle dda ehakallallo ddimodda.

Mitteko 17:14

Enthawi yeeyo ookhulupililaayo yaamurumiha Paulo wookomella enyanja koma Sila ni Timoteo yaahalla o Bereya wenko.

Yohane 8:59

Vano yaatota malluku wi emuvokhe Yesu. Koma Yesu ahiipittha yeekhaaye nave akhumamo mu enyumba ya Mullukweelle.

Miyambo 22:3

Muthu oochenjera oona ello yawoopiha anniipittha koma eenamwani annayithwara ophiyera annallivihiwa.

Masalimo 55:12

Aariki mudanaaka anakivevulla, kaaweerovillella, aariki mudanaaka anakeerella epewe, kaaweerewiipittha.

1 Samuele 20:19

Omuroto eneerowaasha wunchichi. Vano oye wiipitthe va nipuro wiipitthalleewe valle, okhalle vakhwipi va malluku yuukelliwe vaallaalle.

1 Samuele 20:6

Attiittho yaakohaka dda miyaano waalleelle wi, ‘Davide aakiveka miyaano wi kimwaakhullelle aye o etawoni yoowaniwa, Betelehemu wi aheraatthi mukutho wa vamuyakhani ni nibanja naye nittheene.’

2 Mamwene 4:23

Nave mamunooyo aamukoha wi, “Kaambiiwa tini ollello munayeenyu wa olliye? Ollellothi khe nllapo na Ehakallallo ya Wooneya wa Mweeri apaalle nllapo na Sabata.” Mutthiyanooyo ahaakhulla wi, “Khaviri yookatamiha.”

1 Samuele 20:4

Vano Yonatani aamulleella Davide wi, “Erive ello onaalloteewe kineeroweerella.”

1 Samuele 20:18

Vano Yonatani aallotattho wi, “Osiisello tti nllapo na Ehakallallo ya Wooneya wa Mweeri nave va ehakallallweeyo eneerodduwella wi weyaano khawiivo vawi vampandoni vawo khavikhalla muthu.

1 Samuele 20:24

Sika Davide aaya iipittha omata. Nave va wooneya wa mweeri mwene Saulo aawa wi ache yoocha.

1 Samuele 20:27

Koma nllapo naneepiilli na ehakallallweelle, vampandoni va Davide khavaarittho muthu. Sika Saulo aamukoha Yonatani wi, “Kaambiiwa tini Davide mwaana a Yese ahiphiyalleeye va yoocha, oddillo ni ollello?”

Amosi 8:5

muniikoha nyookha wi, ‘Ethiyo Ehakallallo ya Wooneya wa Mweeri enaamalle niini wi nikullihe ddoohata, nllapo na Sabata ninaamalle niini wi nimukullihettho tirigu, wi niyevihe ddoolingella katundu, wi niwellihe mitengo, wi niwiiyere athu ni masikelo awoottha,