1 Samuele 20:29 - Mawu a Mulluku

²⁹ Olliyooyo aallota wi, ‘Okaakhullelle wi kiyeewo vawi nibanja nahu nittheene ninaheraatthi mukutho m'muzindanimmo nave abalaaka aakiwatihera wi kakhalle wenko. Okeerelle echifundo, okaakhullelle wi kawoone abalaaka.’ Ella sika ekaambiiwa ahiwilleeye wi ache ni nyuwaano, amwene.”

1 Samuele 20:29 ပူးပေါင်းရင်းမြစ်များ

1 Samuele 17:28

Eliyabu, mwanamunne muullupalli a Davide, amwiiwalleeye Davide allotaka ni akhotwaayo aamushella murima allota wi, “Waweella tini wuno? Ethiyo enkhosa vang'ononndde ddihanlle ni aani ochipululuni wulle? Kinnadduwella wi weyaano tti awiitukhulla ni oonanara murima vawi waweella woona ekhotweella!”

1 Samuele 16:2

Samuele ahaakoha Apwiya wi, “Kinaawore mwawiidde oyaawo? Saulo iiwa ddenndda, aneerokiipha.” Apwiya yaallota wi, “Waayaakawo okuse eng'ombe yaamutthiyana nave wallote wi, ‘Kaweella waaheraatthella mukutho Apwiya.’

1 Samuele 20:28

Yonatani aamwaakhulla Saulo wi, “Davide aakiveka mookiwatihera wi kimwaakhullelle aye o Betelehemu.

1 Samuele 20:30

Vaavo Saulo aamushella murima Yonatani nave amusimwella wi, “We mwaana oowukila ni oohiroromelleya wonanko amaayo. Ethiyo oneesa wi miyaano nginadduwella wi weyaano onniiwanana wunchichi ni Davide, mwaana a Yese. Khonadduwella wi anapaalla wuuwulliha muru weyaano ni amaaywaalla.