1 Samuele 20:13 - Mawu a Mulluku

¹³ Koma yaapaallaka owiipha, kinalonjeza wi kineerewuuwululella ni wuukavihera wi ovulluwe. Nave Apwiya ekillake kaahikwakhwaniha nnddo kinalonjezeemi. Apwiya eneerewuudalisa wonanko yaadaliselliiwa attiitthaaka.

1 Samuele 20:13 ပူးပေါင်းရင်းမြစ်များ

1 Epilli 22:16

dda golide, siliva, mukuwa ni mukoko. Venya nave waambe ophara mutteko! Apwiya ekhalle ni weyaano.”

1 Epilli 22:11

Davide aavirellella ollota wi, “Vano mwanaka, Apwiya Mullukwaawo akhalle ni weyaano wi okwakhwanihe omaka enyumbiiwa moollikana ni mmo yallotelliiwa.

1 Samuele 17:37

Apwiya ayo yakivullusalle omikangoni ni o ezimbalangondo, aneerokivullusa wa Mufilistoolla.” Vano Saulo aamulleella Davide wi, “Khawe, Apwiya ekhalle ni weyaano.”

Rute 1:17

Nko munaakhwelleenyuwo miyaanottho kinaakhwelle wenko nave kinaavitthiwe wenko. Apwiya ekillake miyaano mwawoopiha kuuhiyani nyuwaano ohiri ekaamba ya okhwa.”

Yoswa 1:5

We Yoswa khaavo anaawore wuugonjiha mu okumaawo muttheene. Miyaano kineerokhalla ni weyaano wonanko mmo kakhallelleemi ni Mose, ngiwa kuuhiya.

1 Samuele 3:17

Vaavo aamukoha wi, “Apwiya yuulleelle tini? Ohinakhuwa erive ello. Apwiya yuullake mwawoonjerera wakhuwa ello emodda woohikilleella va nnddo yuulleelliiwa.”

Afilipi 4:9

Mweereke nnddo mwahuddenreenyu ni waakhella ovenyera mu mawaaka ni m'makhallellwaaka. Nave Mulluku oyo ananivaha murendelle akhalle ni nyuwaano.

Mateyu 28:20

Nave mwaahuddihe wi yiiwellelleke ddeko ddittheddene kuulamulalleemini nyuwaano. Nave miyaano kiri ni nyuwaano mallapo mattheene ophiyera omalla wa ellapo yavatthimva.”

1 Mamwene 20:10

Benihadadi aarumihattho mawu wa Ahabu wi, “Kineeroowa ni athwaaka anchichi wi koononge muzindaawo ni owutthattusa nthupi. Milluku ddikillake kaaheera ddenndda.”

1 Mamwene 19:2

Vano Yezebele aamurumiha amithenga wa Eliya wi amulleelle wi, “Milluku ddikillake naari okiipha wene, kaahiwiipha weyaano osiisello enthawi wonanko ella moollikana ni mmo wawiiphelleewe anamallotellaayo.”

2 Samuele 19:13

Nave mwamulleelle Amasa mawu awi, ‘Ethiyo weyaano khohiyo mbalaakabalaaka?’ Mulluku akillake ophiyera kikhwe kaahuutthoolla weyaano wi okhalle akhoto muullupalli ovollowa munipuroni na Yowabu waambeella ollello?”

2 Samuele 7:15

Koma ngivenyiha echikondaaka yoohisintheya wa olliye wonanko kamuvenyihelleemi Saulo oyo kamukhootilleemi wi weyaano okhalle mwene.

2 Samuele 3:35

Vano athu yaawa emuveka mwene Davide wi eche yoocha ohinaripe. Koma Davide aallupella wi, “Mulluku akillake wunchichi, kacha yoocha apaalle erive ello nndduwa nihinavollowe.”

1 Samuele 25:22

Kinimallupella wi voophiyani ohinase kinaakhalle kiwiiphalle allopwana attheene mwa athu attheene ariiyena. Mulluku akillake kaaheera yeella.”

1 Samuele 18:12

Saulo aanamoova Davide vawi aadduwella wi Apwiya yaari ni Davide omuhiya olliye.

1 Samuele 14:47

Saulo aariiye mwene owaalamulella a Aisraele, aawana ekhoto ni adanaaye attheene. Aawana ni Amowabu, Aamoni, Aedomu, mamwene o Zoba owaakattho Afilisti. Orive weko ayeeyewo aanaagonjiha.

1 Samuele 10:7

Vano woona ezizindikiro ddenndda, weere eyo eri yaphaama wa weyaano vawi Mulluku ari ni weyaano.

1 Samuele 19:3

Kineerokhalla ni attiitthaaka m'matani mmo oniipittheewe, vano kineerollota dda weyaano ni alliwaayo nave eyo kinaawiweemi kineerewuulleella.”

1 Samuele 20:12

Omata wulle Yonatani aamulleella Davide wi, “Apwiya Mulluku Aisraele ekhalle mbonaahu. Kaakoha attiitthaaka osiisello apaalle omuroto enthawi yawi ddiidda nave koona wi enapaalla oweerella ddeko ddaphaama, Kineerewuurumihella mawu wi odduwelle.

1 Samuele 20:14

Kakhalla ni okumi okikondeke wonanko Apwiya enuukondelliiwa. Koma kakhwa, ohihiye weerella echifundo nibanja naka mallapo mattheene.

1 Mamwene 1:37

Monga mmo Apwiya ekhallelliiwa ni nyu apwiyaaka amwene ekhallettho ni Solomoni nave omwenaaye ewunnuwihe naari okhwaranya omwenaanyu, apwiyaaka amwene Davide.”