1 Samuele 20:12 - Mawu a Mulluku

¹² Omata wulle Yonatani aamulleella Davide wi, “Apwiya Mulluku Aisraele ekhalle mbonaahu. Kaakoha attiitthaaka osiisello apaalle omuroto enthawi yawi ddiidda nave koona wi enapaalla oweerella ddeko ddaphaama, Kineerewuurumihella mawu wi odduwelle.

1 Samuele 20:12 ပူးပေါင်းရင်းမြစ်များ

Miyambo 20:5

Yoolinga ya murima wa muthu tti maaddi oowallamella koma muthu oodduwella annaarikavo.

Masalimo 17:3

Naari mweese murimaaka, khaya okiwehesesa mahiiyu, naari mukitthurumelle mwawiidde, khamukiphwanya ni mullatu, vayanoni vaka khavinallota yoonanara.

Yobu 31:4

Ethiyo Mulluku khanoona ettilla ddaka ni othwara manyallwaaka mattheene?

Yoswa 22:22

“Mulluku Amasiva Mattheene tti Apwiya. Mulluku Amasiva Mattheene tti Apwiya. Annadduwella nave Aisraele eneerodduwella naarimi naavaanyihaka apaalle naachimwellaka Apwiya

1 Samuele 20:11

Yonatani aamwaakhulla Davide wi, “Hanko niye omata nngu.” Attheene yaayaawo.

1 Samuele 20:13

Koma yaapaallaka owiipha, kinalonjeza wi kineerewuuwululella ni wuukavihera wi ovulluwe. Nave Apwiya ekillake kaahikwakhwaniha nnddo kinalonjezeemi. Apwiya eneerewuudalisa wonanko yaadaliselliiwa attiitthaaka.

1 Samuele 23:18

Vano eellaayo yaakeraatthiha echipangano vamiitthoni va Apwiya wi ehiwe yiitana. Sika Davide aakhalla o Horeshi nave Yonatani aahokollweella owaniwa.

2 Samuele 21:7

Koma mwenooyo aamuvittha Mefibosheti, mwaana a Yonatani, mwaana a Saulo ekaamba ya ollupella wulle Davide eerilleeye ni Yonatani mwaana a Saulo vamiitthoni va Apwiya.