1 Samuele 2:8 - Mawu a Mulluku

⁸ Ennaavenyiha athu oohoowa vaddallani, yaakeraatthiha vamodda ni mamwene, ewinnya mpando woolemu. Matthipellello mattheene a ellapo yavatthi tti a Apwiya, yaakeraatthiha ellapo yavatthi va matthipellellwaayo.

1 Samuele 2:8 ပူးပေါင်းရင်းမြစ်များ

Daniele 2:48

Vatulli viwa mwene aamuwelliha Daniele amuvaha olemu ni omwinnya emphaso ddaphaama ddinchichi. Aamutthoolla wi akhalle oolamulella echigawo ettheene ya Babiloni navettho wi akhalle muullupalli a eezeru attheene.

Yakobo 2:5

Ngiiwani, asinnaka ni arokoraka ookondiwa! Mulluku ahaatthoolla athu oohoowa a mu ellapo yavattheelle wi ekhalle eeyuuma mu echikhulupililo navettho wi yaakhelle omwene oyo aalonjezilleeye wa ayo enamukonda.

Daniele 6:3

Daniele ahooniwa mwawaakuva wi ttuuphara mutteko phaama okhwaranya oowehera akhwaaye ni enduna kaambiiwa olliye aari eezeru ddoowallamella. Sika mwene aaganizera ddawi Daniele akhalle oowehera omwene muttheene.

Yawuupullulla 1:6

Nave aaneeriha wi nikhalle omwene wa allupa mukutho oomurumeyella Mulluku Attiitthinnya. Wa Yesu Khrisitu okhalle ntitimiho ni masiva wa enthawi yoohimalla! Amen.

Oollalleya 4:14

Musombooyo ttuuvenyera ondende wi akhalle mwene naari ayariwe oohoowa mwiillaponi mwaye mwemmo.

1 Samuele 15:17

Samuele aallota wi, “Naari muddoonaka wi muri oohipaalleya wunchichi vamiitthoni va athu koma muri oohoollella malloko mattheene a Aisraele. Apwiya yahuuzozani wi mukhalle mwene owaalamulella Aisraele.

Yawuupullulla 22:5

Khowa okhallattho mahiiyu navettho ookhallawaayo khewa epaallattho enyali apaalle nndduwa kaambiiwa Apwiya Mulluku sika enaakhalle owala wiwa, eneerolamulellattho wonanko mamwene wa enthawi yoohimalla.

Yawuupullulla 5:10

Mwaaweeriha wi ekhalle omwene wa allupa mukutho oorumeyella Mullukwaahu, nave eneerolamulella ellapo yavatthi.”

2 Samuele 7:8

Sika vano wamulleelle oorumeyellaaka Davide wi mi Apwiya Amasiva Mattheene kinallota wi, ‘Kahuukusa woochiha enkhosa wi okhalle mwene owaalamulella athwaaka, Aisraele.

Yawuupullulla 3:21

Wa ayo enaapambane, kineerowaakhullella wi elamulelle vamodda ni miyaano mu omwenaaka. Emoddamoddave yeeyo kaapambana nave vano kinnalamulella ni Attiitthaaka mu omweniiwa.

Aheberi 1:3

Olliye sika owala wawoonihella ntitimiho na Mulluku nave tti oophwanaphwana ni Mulluku mwaneena. Navettho annavirellella osunga ddeko ddittheddene ni mawaaye amasiva. Amallihalle okhululukella machimo mattheene a athu, aakeraatthi oddullu onnattanatta na Mulluku amasiva.

Masalimo 104:5

Mookeraatthiha ellapo yavatthi vamatthipellellwiiwa wi ehitikheye naari vang'ono.

Masalimo 102:25

vawaamba valle mwaaphatusa ellapo yavatthi, ddooddullu tti mitteko dda mattaanyu.

Masalimo 24:2

Vawi tti alliwa yayiikaatthille va enyanja dduullupalli, va mihinje ddoowallamella yaayikeraatthiha.

Genesis 41:14

Sika vano Farao aamwiithaniha Yosefe nave yaamukhumiha mwawaakuva ondendenko. Nave achemille phaama ni osintha ddoowara, aaya wa Farao.

Yobu 2:8

Sika Yobu aakusa nivalli aniiwakana akeraatthille vaddallani.

Genesis 41:40

Weyaano sika onaalamulelleke enyumbaaka yoomwene nave athwaaka attheene eneerekowiiwellella. Miyaano kinaakhalle muullupalli wa weyaano voomwenenive vaava.”

Daniele 4:17

Amithenga aweella sika enasimikiza ddenndda. Sika athu attheene edduwelle wi Mulluku Ooddullu ookhalla ni masiva oolamulella moomwene a athu nave wi annawora owuvelleella wa arive muthu moollikana ni mmo anapaallelleeye naari wa ookittha oovevuwa wunchichi.’

1 Mamwene 16:2

“Kahuuwelliha ni oweeriha wi waahoollelleke athwaaka Aisraele. Koma vano woochimwa wonanko Yerobowamu nave wohaachimwiha athwaaka Aisraele wawi aallika osha murima ni machimwiiwa.

2 Mamwene 9:6

Vaavo Yehu avollowa mpa nave namallotella aahella makhura va muru va Yehu allota wi, “Apwiya Mulluku a Israele enallota wi, ‘Kinimuuzoza wi okhalle mwene a athwaaka Aisraele.

Yobu 1:21

allota wi, “Epwillimwinddive kaakhuma m'mirimani mwa amoowe nave epwillimwinddive kineerovollowa mu mahame. Apwiya yaavaha nave Apwiya ahaakha. Nititimihiwe nnddina na Apwiya.”

Masalimo 75:3

Ellapo yavatthi yaatikheyaka ni ddittheddene ddookhalla mwemmo, tti miyaano kinaaseera apotwiiwa.

Masalimo 75:7

Koma tti Mullukuve oyo anakamulla millatu, annamukitthiha mmodda amuwelliha mmodda.

Masalimo 107:41

Koma athu ohoowa yahaakhumiha mu ddookatamiha ddiwa, yahaatiha mabanjiiwa wonanko milloko dda enkhosa.

Yesaya 22:23

Kineeromullipiha wonanko ekhomo nave anaakhalle wonanko mpanda woomwene wooriheya o nibanja na attiitthinnya.

Masalimo 75:4

Kinnaalleella athu awiitukhulla wi, ‘Muhiinyarulleke.’ Kinnaalleella athu oonanara wi, ‘Muhiitukhulleke ekaamba ya masivaanyu.