1 Samuele 2:5 - Mawu a Mulluku

⁵ Athu ayo khalle yahata ddoocha ddookwakhwanella vano enimallimella. Koma ayo khalle yaari eettalla vano ennavona. Mutthiyana oohiyara vano ohaayara anamwani atthanu ni eelli, koma mutthiyana oyo aari ni anamwani anchichi vano khanna anamwani.

1 Samuele 2:5 ပူးပေါင်းရင်းမြစ်များ

Luka 1:53

Athu oohoowa ohaakwakhwanihella ni ddeko ddaphaama, nave athu eeyuuma ahaahokollosa ahaavahille ello.

Masalimo 113:9

Ennamweeriha mutthiyana oohiyara opata nibanja, emutthattusa muyepelle oohakallalla. Aleluya!

Yeremiya 15:9

Moowe a anamwani atthanu ni eelli oongomowa, anavumella muddullu. Epiphi yommorella otthaana, oowullihiwa muru nave murima onimamvoreya. Oohalla attheene kineerewaavelleella wa adani wi ewiiphe ni nsupada. Mi Apwiya koollota.”

Masalimo 34:10

Mukango ttuurama yoocha ttuuvolliwa ettalla, koma ayo enawaashaasha Apwiya khenaramiwa ddeko ddaphaama.

Luka 16:25

“Koma Abrahamu aallota wi, ‘Mukhwaaka, upuwella wi waavahiwa ddeko ddaphaama mu okumaawo, mvo Lazaro aariiye ni ddeko ddoonanara. Vano olliye animahakallalla wuno koma weyaano onimahoowa.

Yesaya 54:1

Apwiya enallota wi, We mutthiyana oohiyara, ipa moohakallalla, we ohinooneke ovoreya wa oyara, khuwa ni woopa ellullu. Vawi mutthiyana oohiyiwa aneerokhalla ni anamwani awaata omukhwaranya mutthiyana ootthelliwa.

1 Samuele 1:6

Penina, mwaariye mmodda a Elikana, aaneera ddoomuvoriiha murima Hana vawi Hanooyo Apwiya yaamweeriha wi ahiyareke.

1 Samuele 1:20

Hana aakhalla ni erukullu nave aamuyara mwaana mullopwana amuvaha nnddina nawi Samuele ottaphullella wi, “Kimuvekille olliye wa Apwiya.”

Agalatiya 4:27

Vawi mawu a Mulluku enallota wi, “We mutthiyana oohiyara ipa moohakallalla! We ohinooneke ovoreya wa oyara khuwa ni woopa ellullu! Vawi mutthiyana oohiyiwa aneerokhalla ni anamwani awaata omukhwaranya mutthiyana ootthelliwa.”

Rute 4:15

Mwaanooyo aneerewuuhakallallihani nave aneerewuupharani muwono mwaawuulluvallaka. Ddawoona mvokohaanyu oyo anuukondani, oyo uuyarelleni mwaana tti ookhwaranya anamwani aallopwana atthanu ni eelli.”

Yesaya 33:9

Ellapo eniminlla nave ehanlle vang'ono omalla. Otthako wa o Lebanoni woonyaalla nave ntapo naphaama na Sharoni nootthattuwa echipululu nave miteekho dda o Bashani o Karimele ddoovakareya makukhu.