1 Samuele 2:35 - Mawu a Mulluku

³⁵ Vatulli viwa kineeromutthoolla mullupa mukutho oyo anaakhalle oororomelleya wa miyaano ni weera nnddo ddiri m'murimani mwaka ni ddoopaalla ddaka. Kineeromwinnya edduullu nnddo ddinaarumeyelleke vamiitthoni va mwenaaka oozoziwa enthawi ddittheddene.

1 Samuele 2:35 ပူးပေါင်းရင်းမြစ်များ

2 Samuele 7:27

“Nyu Apwiya Amasiva Mattheene, Mulluku Aisraele, mookiwululella mi oorumeyellaanyu wi muneerokeraatthiha nibanja naka. Sika miyaano oorumeyellaanyu koollipa murima wi kivekelle wa nyuwaano.

1 Mamwene 11:38

Nave waawiiwellaka ddittheddene kinuulamuleemi ni othwara malamulwaaka, oneera echilungamo vamiitthoni vaka voothwarani malangizwaaka ni malamulwaaka wonanko Davide oorumeyellaaka, nguuhiya nave kineereweera wi okhalle mwene a Aisraele. Navettho edduullu ddawo ddineerekolamulella wonanko mmo kamweerelleemi Davide oorumeyellaaka.

2 Samuele 7:11

ni ovenyera enthawi elle kaatthoollilleemi oweeruza athwaaka Aisraele. Sika kineerowiithuuwiha wa adanaawo attheene. Sika kinimuulonjeza wi mi Apwiya kineerokeraatthiha nibanja nawo.

1 Samuele 25:28

Pepaani mukhululukelle machimo a miyaano kaporwaanyu. Ddawoona, Apwiya eneerokeraatthiha nibanja nanyu mu omwene vawi munnamuwanella ekhoto. Nave yoonanara khephwanyeya mwa nyuwaano okumaanyu muttheene.

Masalimo 18:50

Mulluku annamupambaniha wunchichi mwenaaye, annooniha echikondaaye yoohisintheya wa oozoziwaaye,* wa Davide ni edduullu ddaye wa enthawi yoohimalla.”

Aheberi 2:17

Nndda ddinattaphullella wi aphwanenlle akhalle wonanko mmodda a hiyaano mu ddittheddene wi akhalle mullupa mukuthwaahu muullupalli a echifundo ni oororomelleya voomurumeyellani Mulluku wi machimwaahu ekhululukiwe.

1 Epilli 29:22

Nave nllapo nenno yaacha ni owirya nave yaahakallalla wunchichi vamiitthoni va Apwiya. Vatulli viwa Solomoni mwaana a Davide yaamuvollochiha omwene waneepiilli. Vano yaamuzoza omwene mu nnddina na Apwiya nave yaamuzoza Zadoki omullupa mukutho.

1 Mamwene 2:35

Vano mwene aamuhiya Benaya mwaana a Yehoyada va odindo wa akhoto muullupalli munipuroni mwa Yowabu nave aamuhiya mullupa mukutho Zadoki munipuroni mwa Abiyatara.

1 Mamwene 1:45

Nave Zadoki ni namallotella Natani yaamuzoza omwene o Gihoni. Sika ovenyera wenko ekhanlle ehakallallaka mwawi m'muzindani mutthemwene mookhalla okhuwa.

1 Mamwene 1:8

Koma mullupa mukutho Zadoki, Benaya mwaana a Yehoyada, namallotella Natani, Shimeyi, Reyi ni akhoto amasiva a Davide kheyaamuthwanre Adoniya.

1 Samuele 16:13

Samuele aakusa yookusellamo makhura, amuzoza vamiitthoni va asinne. Nave Munepa wa Apwiya waamuvollowa Davide mwamasiva waambeella nllapo nenno oya muhoollo. Vatulli viwa Samuele aatimulla oya o Rama.

1 Samuele 12:3

Kuukoheni apaalle yookhallavo eyo kichimwalleemi wa nyuwaano? Yaarivo kiivaanyiheni vamiitthoni va Apwiya ni va mwenaanyu oozoziwa.* Ethiyo ttaani kamwaakhillekeemivo eng'ombe? Ttaani kamwaakhillekeemivo bulu? Ttaani kamoottotthillekeemivo apaalle omuhoosa. Ethiyo kaakhenlle ddamukaphwani ddawani wi mullatwaaye weete phaama? Oyo anaavelleelle omboni wawoona, kineeromuhokollosella ddittheddene kakusalleemi.”

Ezekiele 34:23

Kineerewakeraatthihella mbusa mmodda, oorumeyellaaka Davide. Olliye sika anaaddipwathe nave aneerokhalla mbusiiwa.

Masalimo 2:2

Mamweniiwa ennapangana ddakhoto, oolamulelliiwa enniiwanana ddoonanara, ddawaawukila Apwiya ni oozoziwiiwa.*

Numeri 25:13

Kinapangana ni olliyoolla ni edduullu ddaye ddittheddene, echipangano yookhalla allupa mukutho wa enthawi yoohimalla ekaamba yawi khaakhullenlle wi muthu amullapelleke mulluku mmodda koma miyaano, Mulluku nave aaphara mutteko woopepesella machimo a Aisraele.”

1 Samuele 2:36

Koma oyo anaahalle a munibanjani nawo aneeroya wa mullupa mukuthwaaka omuveka makobiri apaalle mwanayoocha. Aneerollota wi, “Kaakhullelleni wi kikhalle mullupa mukutho wi kiphwanyekevo yoocha.” ’ ”

1 Samuele 3:1

Musomboolle Samuele aanaarumeyella Apwiya moomukavihera Eli. Mallapo yaayo mawu a Apwiya kheyiiweya nave masomphenya kheyooneya wiilliwiilli.

1 Samuele 7:9

Vano Samuele aamukusa mwaanaankhosa awaamwa amwiipha amuphaddaphadda amuvelleella amututha wa Apwiya mukutho wooshellelliha. Ahaavekellella Aisraele wa Apwiya nave Apwiya yaamwaakhulla

1 Samuele 8:3

Koma anamwanaalla kheyaarina makhallello aphaama wonanko a attiitthiiwa. Yaanahapuwella o ddoonanara, enathwara opindula. Yaanaakhella ddamukaphwani, yaaneeruza millatu mookhoromaniha.

1 Samuele 9:12

Yahaakhulla wi, “Ee, ari wenko, tti oyo anaya muhoollo mwanyummo, akuvakani. Ttuuphiya wene m'muzindanimmu vawi ollello athu enaya yavelleelleke mukutho o nipuro noollapellamo.

1 Samuele 9:13

Mwaavollowaka m'muzindanimmo, munaamuphwanye ahinayeewo wi ache. Athu kheyaamba ocha olliye ahinaphiye, ophiyera olliye adalisalle mukuthooyo. Eeddiiddo athu awiithaniwa eneerewaamba ocha. Vano khaweni mukumanena naanweene vaava.”

1 Samuele 10:9

Saulo arukunuweeye omuhiya Samuele, Mulluku aamuvaha murima mmodda nave ezizindikiro ddittheddenenndde ddaheereya nllapo nenno.

1 Samuele 10:10

Saulo ni mullupa muttekwaaye ephiyalle o Gibea, yaakumana ni mulloko wa anamallotella. Vano Munepa a Mulluku aamuvollowa Saulooyo, aamba ollotella.