1 Samuele 2:29 - Mawu a Mulluku

²⁹ Vano kaambiiwa tini munavevulleenyu mikutho ddaka ni ddoovelleella nnddo kalamulelleemi mookhallamo mwaka? Ethiyo onaariiha anaawo okikhwaranya miyaano vawiinenevihani ni ddoocha ddooddiva wunchichi dda vamukuthoni vaka nnddo athwaaka Aisraele enavelleelliiwa.

1 Samuele 2:29 ပူးပေါင်းရင်းမြစ်များ

Mateyu 10:37

“Oyo anaakonda attiitthinnya apaalle amennya ohiyana ni miyaano khanaphwanella okhalla oohudderaaka, oyo anamukonda mwanaye aamullopwana apaalle mwanaye aamutthiyana ohiyana ni miyaano khanaphwanella okhalla oohudderaaka.

Deuteronomo 32:15

“Yeshuruni, athu a Apwiya yaaneneva, koma alliwa yahaawukila, yahiidditivallella ni wunnuwa mwiilli, nave yaavona. Vatulli viwa yaamuhiya Mulluku Owaaphatusa, Yaavevulla nlluku na ovullusa wiwa.

Luka 14:26

“Muthu aapaallaka okhalla oohudderaaka akikondeke miyaano ohiyana ni attiitthinnya ni amennya, mwaariye ni anaaye, asinne ni arokoriye naari okumaayeene.

Yakobo 3:17

Koma ezeru ddoovenyera oddullu ddinneeriha vawaamba okhalla aweella, waneepiilli amurendelle, vatulli viwa oomaalleya, awiiwellella phaama, ooddalla echifundo ni a ezipaso ddaphaama ddoohikondella nave ddoohoottha

Mateyu 22:16

Koma yaanaarumiha wa Yesu oohudderiiwa amodda ni athu a mulloko wa Herode.* Yaayo yaallota wi, “Ahuddihi, ninnadduwella wi munnallota ddawoona. Munnahuddiha ddawoona dda opaalla wa Mulluku wa athu nave muhikhupanyeke dda wi athu enuuganizerekeni tini kaambiiwa khamunawehattho ekhove.

Mika 3:5

Vookhalla anamallotella ayo enaahollosa athwaaka. Mmodda aavaha yoocha, ennallotella dda murendelle. Koma mmodda ahaavaha yoocha, ennamullotella dda ekhoto.

Hoseya 4:8

Ennaphwanyavo eyuuma yinchichi va ochimwa wa athwaaka nave ennapaalla wi athu echimwekeve.

Ezekiele 34:2

“We mwaana a muthu, llalleya mawu awaavaanyiha abusa a Aisraele. Llotella nave llota waalleelle wi, ‘Nnddo enallota Apwiya Mulluku tti ddawi, otulli wa nyu abusa a Aisraele, nyu muniipwatha nyookha. Ethiyo keesa abusa enaphwanella opwatha enkhosa?

Yoswa 18:1

Aisraele attheene yaatthukumana o Shilo emakawo musasa wamutthukumano nave ellapo yahaagonjella.

Deuteronomo 33:9

Alliwa yaanuuroromellani nyuwaano okhwaranya makhollwiiwa, abaliiwa apaalle aniiwa. Alliwa yahiiwellella malamulwaanyu nave yaaroromella echipanganwaanyu.

Levitiko 19:15

“Muhineeruzaka moohikhalla ni echilungamo. Muhinakhallaka ni ntthoollo variyari va athu oohoowa ni eeyuuma koma mumweeruzeke mukhwiinyu mwa echilungamo.

2 Akorinto 5:16

Waambeella vano ophiyera muhoollo khaninamweeruzattho arive muthu moollikana ni omuthu. Naari khalle naamweeruza Khrisitu moollikana ni omuthu koma vano khanineera ddiiddo.

Aroma 16:18

Vawi athu yaayo khenamurumeyella Khrisitu, Apwiihu koma minkhella ddiwa. Ennaalleka athu ooreera murima voollotani mawu ooreeriha.

Ezekiele 13:19

Mookivenyihella olemu vamiitthoni va athwaaka voopaallani waakhella barele a m'mattani ni enyenyeri dda buledi. Munnawiipha athu oohiphwanella wiiphiwa nave munnaavullusa athu oohiphwanella ovullusiwa voowoottotthani athwaaka ayo eniiwellella ddawoottha ddanyu.’

1 Samuele 3:13

Koomuchenjeza Elooyo wi kiri vakhuviru omullaka ni nibanja naye nittheene wa enthawi yoohimalla ekaamba ya ddoonanara nnddo yakeerelliiwa. Eli aanadduwella koma khaavaanyiha.

Masalimo 26:8

Nyu Apwiya, kinnakonda enyumba eyo munakhalleenyumo, onipuroni nko ori ntitimiho nanyu.

Ezekiele 34:10

Mi Apwiya Mulluku kinallota wi nyu abusa tti adanaaka. Kineerowaakhani enkhosa ddaka, khamuwa muddichihattho. Kineerewuuhiihani mutteko woobusa wi muhiwe mupwathattho dda nyookha. Kineerovullusa enkhosa ddaka muwano mwanyu nave khamuwa muddittakhunattho.”

2 Mamwene 12:6

Koma voophiyani muyakha wa 23 wa omwene wa Yowashi, allupa mukuthwaayo yaari ehinapotokoseve enyumbeeyo.