1 Samuele 2:28 - Mawu a Mulluku

²⁸ Nave kaatthoolla nlloko nanyu variyari va malloko mattheene a Aisraele wi nikhalle allupa mukuthwaaka nave wi eyeeke onikuwani naka namukutho yathuwiheke lubani* nave yawareke yoowara yoopangiwa ni ekuwo yaweella wunchichi yookhalla ni efodi ni odduwella nnddo kinapaalleemi wi athwaaka yeereke. Kaanaakawella embali emodda ya ddoovelleella mukutho ddawoosiwa viikho nnddo Aisraele yavelleelliiwa mukutho wa miyaano.

1 Samuele 2:28 ပူးပေါင်းရင်းမြစ်များ

Eksodo 28:1

“Omwiithanihe Aroni ni anaaye, Nadabu, Abihu, Eleazara ni Itamara wi ewe. Kohaatthoolla variyari va Aisraele wi ekhalle allupa mukutho.

Numeri 18:19

“Ddoovelleella ddoopatuleya ddittheddene nnddo Aisraele enaddivelleelliiwa wa Apwiya kohuuvaha weyaano, anaawo aallopwana ni anaawo aatthiyana ayo eri ni weyaano. Ddennddo ddikhalle ddaawo. Yeella sika echipangano ya wa enthawi yoohimalla variyari va mi Apwiya ni weyaano ni edduullu ddawo.”

Levitiko 6:16

Vano ddoohalla dda mukuthooyo ddikhalle dda Aroni ni anaaye. Ddikhalle ddoohikhalla ni yisiti nave eddiche vanipuroni noopatuleya sika wi vanthatoni na musasa wamutthukumano.

Levitiko 2:10

Ddoohalla dda mukuthooyo ddikhalle dda Aroni ni anaaye. Ddenndda tti ddoopatuleya kaambiiwa ddoovahulliwa vamukuthoni wawoosiwa viikho woovelleelliwa wa Apwiya.

Levitiko 2:3

Ddoohalla dda mukuthooyo ddikhalle dda Aroni ni anaaye. Ddenndda tti ddoopatuleya kaambiiwa ddoovahulliwa vamukuthoni wawoosiwa viikho woovelleelliwa wa Apwiya.

Eksodo 28:4

Esowe yoowara ya vakhakaddani, yoowara ya efodi,* mukanjo, malaya oopetiwa phaama, enduwira ni laamba. Esowe ddoowara ddoopatuleyannddo dda mbalaawo Aroni ni dda anaaye wi ekhalle allupa mukutho.

2 Samuele 12:7

Natani aallota wa Davide wi, “Muthooyothi tti nyuwaano. Apwiya Mulluku a Israele, enallota wi, ‘Miyaano kahuuzoza wi okhalle mwene a Aisraele nave kahuuvullusa m'mattani mwa Saulo.

Numeri 16:5

Vano aamulleella Kora ni mullokwaaye muttheene wi, “Osiisello ohinase Apwiya enoonihelle oyo ari ayiwayiwa navettho oyo ari aweella nave eneeromulleella wi awe vakhuviru ni alliwa. Muthu oyo Apwiya enaamutthoolliiwa eneeromuphiyiha vakhuviru.

Levitiko 7:32

Mullupa mukutho avahiweke mweto wamuhoollo wonnattanatta.

Eksodo 30:7

Orive ohinase Aroni ooseke lubani a nthuko naphaama enthawi eyo aapotokosaka enyaliille.

Eksodo 30:8

Nave aakhariha enyaleeyo misikuwa, ooseke lubani. Sika vikhalle woosa lubani woohihiyerera vamiitthoni va Apwiya mu mibado ddanyu ddittheddene.

Levitiko 7:36

Apwiya yahaalamulella Aisraele wi evelleelleke ddennddo wa allupa mukutho ovenyera nllapo nno yazoziwiiwa wi ekhalle embaliiwa wa mibado ddiwa ddittheddene.

1 Samuele 2:18

Samuele aariiye musombwe aanarumeyella vamiitthoni va Apwiya awanre ekuwo yabafuta yookhalla ni efodi.*

1 Samuele 14:3

Vaakhallattho Ahiya, mullupa mukutho oyo awara yoowara yoopangiwa ni ekuwo yaweella wunchichi yookhalla ni efodi.* Olliyoolla aari mwaana a Ahitubi, mwanamunne a Ikabodi mwaana a Finehasi. Finehasooyo aari mwaana a Eli, mullupa mukutho muullupalli a o Shilo. Vano athu kheyaadduwella wi Yonatani oovenyavo.

2 Samuele 6:14

Davide awanre efodi yabafuta, aaniina mowaatitimiha Apwiya ni masivaaye mattheene.