1 Samuele 2:25 - Mawu a Mulluku

²⁵ Muthu amulakwella mukhwaaye Apwiya ttuuwaattaniha koma waachimwella Apwiya anaawaattaniheni ttaani?” Koma anamwanaayo kheyaawiwelleelle attiitthiiwaayo vawi waari opaalla wa Apwiya wi anamwanaayo yiiphiwe.

1 Samuele 2:25 ပူးပေါင်းရင်းမြစ်များ

Aheberi 10:26

Ninachimwa mwaphudda nidduwellaka yawoona, khawiivo mukutho mmodda onaakhelliwe ekaamba ya machimwaahwaayo.

1 Samuele 3:14

Vano kinimallupella wi mullatu wa vanibanjani vaye khomalla. Naari avelleelle mukutho ni ddoovelleella ddimodda.”

Yoswa 11:20

Apwiya yaawummiha murima alliwaayo wi ellipane ni Aisraele wi vaweerani ddiiddo yoonongeye attheene. Nave wi yiiphiwe mooheerelliwa echifundo koma ewoononge moollikana ni mmo Apwiya yamulamulalliiwa Mose.

Numeri 15:30

“Koma muthu oyo anachimwa mwaphudda, khaya tti Muisraele apaalle mulleto, ohaavevulla Apwiya nave muthooyo avenyihiwe variyari va Aisraele akhwaaye.

Miyambo 15:10

Oohiya ettilla yaphaama annallakiwa wunchichi nave awiitana ni ohumullulliwa annakhwa.

1 Timoteo 2:5

Vawi viri Mulluku mmoddave ni namunkhoswe mmoddave variyari va Mulluku ni athu, muthu yoolla tti Khrisitu Yesu,

Aheberi 7:25

Nave sika annawora, ollello ni mallapo mattheene waavullusa ayo enawa wa Mulluku oweella mwa olliye vawi ookhalla ni okumi woohimalla wi aavekellelleke athu wa Mulluku.

Masalimo 51:4

Kohuuchimwellani nyuwaano, nyuwaano nyookha, koheera ddoonanara vamiitthoni vanyu. Wi mukhalle oolungama vaweeruzani, mukhallettho aweella vaweeruzani vookamullani mullatwaaka

2 Epilli 25:16

Alloteeye ddennddo mwene aamukoha wi, “Ethiyo we nahuutthoolla wi okhalle oomulangiza mwene? Maalleya! Kaambiiwa tini onapaalleewe wiiphiwa?” Nave namallotellooyo aamaalleya wa enthawi yooyeva nave aallota wi, “Koodduwella wi Mulluku ookhozeka wi awoonongeni ekaamba moheera ddenndda navettho khemwawiiwellelle malangizwaaka.”

Deuteronomo 1:17

Muhiweheke ekhove vaweeruzani arive muthu, khaya muthu shisha apaalle oodduwanyeya, mumweeruze moollikana. Muhimooveke arive muthu kaambiiwa erive echiweeruzo tti wa Mulluku. Mullatu mmodda wuukatamihani, muweekena wa miyaano wi kiwukamulle.’

Masalimo 51:16

Khohiyo mukutho shisha oyo onuuhakallallihani nyuwaano. Kavelleelleke mukutho wooshellelliha, nyuwaano khamwaahakallallena.

Deuteronomo 2:30

Koma mwene Sihoni olliyeve khaanaakhullenlle wi nivirelle mwiillaponi mwaye. Apwiya Mullukwaanyu yaamummiha nikohi nave amuvaha murima wawumma wi amuvelleelle m'mattani mwahu wonanko munoonellaanyu ollellova.

Aheberi 10:27

Kheyiivo emodda ehanlle koma otiyerella mwawoova echiweruzo ni munllo wawoopiha oyo onaawononge oovaanyihana ni Mulluku.

Yobu 9:33

Khaavo ooneeruza, oopopheya matta va eellihi.

Miyambo 29:1

Awummiha nikohi ahumullulliwe aneerewoonongeya moorurumusa kheyiivo enaamuchirihe.

Genesis 38:7

Koma makhallello oonanara a Ere yahaashiha murima Apwiya, sika yaamwiipha.

Genesis 38:10

Eerilleeyenndda ddaamushiha murima Mulluku sika Apwiya yaamwiiphattho Onani.

1 Mamwene 8:31

“Vano muthu amuchimwella mukhwaaye, yamullupelliha, allupelle vahoollo va nikuwani nanyu mu enyumbeella,

1 Mamwene 8:32

vaavo nyu mwiiwe oddullunko nave mweerevo ello ni oweeruza oorumeyellaanywaayo. Oochimwa mukamulle wi tti oolakwa nave mumullake moollikana ni ddoolakwa ddaye. Koma oohichimooyo mukamulle wi khanna mullatu nave mumuvahe oolungama moollikana ni echilungamwaaye.

2 Epilli 10:15

Sika mwene khaakhullenlle oveka wa athwaalle vawi Apwiya sika yakhozille khalle wi ddeereye nnddo yallotilliiwa ni Yerobowamu mwaana a Nebati oweella mwa namallotella Ahiya Mushilo.

Miyambo 13:1

Mwaana eezeru annaapella maaru mwambo wa attiitthinnya koma oovevulla khaniiwellella ohumullulla.

Oollalleya 3:3

Vookhalla enthawi yawiipha ni enthawi yoochiriha, enthawi yookumulla ni enthawi yoomaka.