1 Samuele 2:24 - Mawu a Mulluku

²⁴ Iyaayi anaaka nndda kinawiiweemi athu a Apwiya ellotaka ni ovuwiha khe ddaphaama.

1 Samuele 2:24 ပူးပေါင်းရင်းမြစ်များ

Yawuupullulla 2:20

Koma yawuuvaanyihani kiriimina tti ella yawi munniiwanana ni mutthiyanoolle Yezebele, oyo aniiromolla yeekha wi tti namallotella eetthiyana a Mulluku. Koma ni ehuddihwaayeella annaalleka oorumeyellaaka wi eraruweke ni ocha ddooheraatthiwa mukutho wa mafano.

3 Yohane 1:12

Arive muthu annavelleella omboni waphaama wa Demetrio naari yawooneeyo tti mboni. Naheenettho ninnavelleella ombonaahu nave munnadduwella wi ninalloteehu tti ddawoona.

2 Petro 2:18

Enallota ddookota ni ddookarangeya nave ennaalleka athu ayo ethawille wene ovenyera variyari va ayo enakhalla mu machimo voopharihani mitteko minkhella ddiwa dda omuthu.

1 Timoteo 3:7

Akhallekettho muthu oovahiwa olemu ni athu a otte wa mpingo wi ahinyaambusiwe woova wi anaamorelle m'musamphani wa Satana.

2 Akorinto 6:8

Ninnavahiwa olemu ni onyaambusiwa ninnallotelliwa epewe ni othokoziwa. Ninnooniwa wonanko awoottha naari nillotaka ddawoona.

Mitteko 6:3

Sika, asinnaka ni arokoraka, atthoolleni mwa nyuwaano athu atthanu ni eelli oodduwanyeya wi tti oohoollelliwa ni Munepa Waweella ni eezeru nave naavahe mutteko yoolla.

Mateyu 18:7

Otulli ori vatthimva kaambiiwa vookhalla ddeko ddinaweeriha athu ohiya echikhulupililwiiwa! Ddeko ddennddo ddinaphwanella wi ddeereyeke koma ootulli tti muthu aneeriha ddenndda.

Malaki 2:8

Koma vano nyu allupa mukutho moohiya ettilla yawoona. Ehuddihwaanyu yohaakwakwatuwiha anchichi. Moonanariha echipangano kakeraatthihalleemi ni Levi. Mi Apwiya Amasiva Mattheene koollota.

2 Mamwene 10:31

Koma Yehu khiiwellella malamulo a Apwiya Mulluku a Israele ni murimaaye muttheene. Aavirellellave weera ddoonanara nnddo Yerobowamu aachimwihalleeyena Aisraele.

1 Mamwene 15:30

Ddenndda ddaheereya ekaamba ya machimo a Yerobowamu ayo aachimwihalleeyena Aisraele voottatthamullani osha murima wa Apwiya Mulluku a Israele.

1 Samuele 2:22

Vano Eli ahuulluvalla wunchichi nave aaniiwa ddittheddene anaaye yaweerelliiwa Aisraele owaaka ddawi yaanararuwa ni atthiyana oowehera vamullakoni va musasa wamutthukumano.

1 Samuele 2:17

Sika ochimwa wa anamwani a Eli waari wuullupalli vamiitthoni va Apwiya vawi yaanavevulla mukutho wa Apwiya.

Eksodo 32:21

Nave Mose aamukoha Aroni wi, “Ethiyo athwaalla yaweerille ddawiidde ophiyera weyaano wi waachimwihe mwawi ddiidda?”

1 Samuele 2:23

Vano ahaakoha anaayaayo wi, “Kaambiiwa tini muneereenyu ddenndda? Kinniiwa ovenyera wa athu nnddo muneereenyu.

1 Mamwene 15:26

Olliye aheera ddoonanara vamiitthoni va Apwiya wonanko mmo attiitthinnya yachimwelliiwa nave ahaachimwiha Aisraele.