1 Samuele 2:14 - Mawu a Mulluku

¹⁴ Aanayivollochiha efolokweelle mwiipallini mulle muri enameelle. Nnddo ddinaahomiwe ni efolokweelle, mullupa mukutho aanaddikusa ddikhalla ddaaye. Yaaneera emoddamoddave yeeyo wa Aisraele attheene yawa o Shilo.

1 Samuele 2:14 ပူးပေါင်းရင်းမြစ်များ

Yesaya 56:11

Tti wonanko anapwa. Naari abusa khenna ezeru vawi arive muthu aneera eneeta ettilla ddaye nave anapaalla ddoomuddivella yeekha.

1 Samuele 2:29

Vano kaambiiwa tini munavevulleenyu mikutho ddaka ni ddoovelleella nnddo kalamulelleemi mookhallamo mwaka? Ethiyo onaariiha anaawo okikhwaranya miyaano vawiinenevihani ni ddoocha ddooddiva wunchichi dda vamukuthoni vaka nnddo athwaaka Aisraele enavelleelliiwa.

Levitiko 7:34

Sika Apwiya aatthoolla ekhakadda yoovelleelliwa mootukhullelliwa muddullu ni mweto wamutulli wi ddikhalle dda Aroni ni anaaye wonanko embali ya mukutho wa eyaattano wa enthawi ddittheddene.

Malaki 1:10

Apwiya Amasiva Mattheene enallota wi, “Ttaani anaawalle mullako wa enyumbaaka wi muhikharihelle nivuddo munllo wa va nikuwa naka. Nginahakallalla ni nyuwaano nave ngaakhella ddoovelleella ddanyu.

1 Samuele 2:13

Kheyaapwathattho dda makhallello aphaama a allupa mukutho vamiitthoni va athu. Muthu mmodda aavelleellaka mukutho enama etokothaka viikho, omurumeyella mullupa mukutho aanawa akusalle efoloko ya miino mararu.

1 Samuele 2:15

Woonjerera vaavo enthawi ddimodda athu yaaheraatthiki mukutho, ehinawoose makhura waaheraatthella mukutho Apwiya, oorumeyella a mullupa mukuthoolle aanawa allota wi, “Mukinnye enama ekitthi wi kawooselle allupa mukutho vawi khenapaalla enama yawaapeya.”

Mika 3:3

Munnakittakhunella athwaaka, owaatta, waapwesa makhuviiwa ni waaphaddella mwiipallini wonanko enama.