1 Samuele 2:13 - Mawu a Mulluku

¹³ Kheyaapwathattho dda makhallello aphaama a allupa mukutho vamiitthoni va athu. Muthu mmodda aavelleellaka mukutho enama etokothaka viikho, omurumeyella mullupa mukutho aanawa akusalle efoloko ya miino mararu.

1 Samuele 2:13 ပူးပေါင်းရင်းမြစ်များ

1 Samuele 2:14

Aanayivollochiha efolokweelle mwiipallini mulle muri enameelle. Nnddo ddinaahomiwe ni efolokweelle, mullupa mukutho aanaddikusa ddikhalla ddaaye. Yaaneera emoddamoddave yeeyo wa Aisraele attheene yawa o Shilo.

1 Samuele 2:22

Vano Eli ahuulluvalla wunchichi nave aaniiwa ddittheddene anaaye yaweerelliiwa Aisraele owaaka ddawi yaanararuwa ni atthiyana oowehera vamullakoni va musasa wamutthukumano.

1 Samuele 2:29

Vano kaambiiwa tini munavevulleenyu mikutho ddaka ni ddoovelleella nnddo kalamulelleemi mookhallamo mwaka? Ethiyo onaariiha anaawo okikhwaranya miyaano vawiinenevihani ni ddoocha ddooddiva wunchichi dda vamukuthoni vaka nnddo athwaaka Aisraele enavelleelliiwa.

Ezekiele 46:20

“Nenna tti nipuro nno allupa mukutho enaapeyekiiwawo mikutho woopepesella ni ddoolliva. Wenkottho sika enaawoosellekiiwawo ddoovelleella dda yoocha. Khekhumakana ddaweellanndda o nthato na otte woova wi eneerewaavalliha weellanko athu amodda.”