1 Samuele 2:10 - Mawu a Mulluku

¹⁰ Apwiya Mulluku muullupalli eneerewaanyenya adaniiwa, eneerowoopopiha ni ogugudeya wa murimu woovenyera oddullu. Apwiya eneeroweeruza ophiyera omalla wa ellapo yavatthi ettheene, mweniiwa eneeromwinnya masiva, eneerowunnuwiha masiva a mweniiwa oozoziwa.”*

1 Samuele 2:10 ပူးပေါင်းရင်းမြစ်များ

Masalimo 2:9

Oneerewaanyenya ni ekopwaawo ya mukoko ni waakhaddulla enyenyeri enyenyeri wonanko epalli.’ ”

Masalimo 89:24

Ororomelleya waka ni echikondaaka yoohisintheya eneerokhalla ni olliye, aneeropambana ekaamba ya nnddina naka.

Masalimo 96:13

vamiitthoni va Apwiya, vawi enimawa wi yeeruze ellapo yavatthi. Eneereweeruza ellapo ettheene mweechilungamo, athu a mitundu ddittheddene mwawoona.

Eksodo 15:6

Nyu Apwiya, nnattanatta nanyu tti nootitimiheya, ekaamba ya masiviiwa, Apwiya, nnattanatta nanyu ninnaanyenya adani.

Masalimo 98:9

vamiitthoni va Apwiya vawi enimawa wi yeeruze ellapo yavatthi. Eneereweeruza ellapo ettheene mweechilungamo, mitundu ddittheddene moohiweha ekhove.

Masalimo 20:6

Vano kinnadduwella wi Apwiya ennamoopolla oozoziwiiwa.* Ennamwaakhulla eri oddullu, onipuroni niwa naweella, voomuvullusani mwamasiva a nnattanatta niwa.

1 Samuele 7:10

Samuele avelleellaka mukutho wooshellelliha Afilisti yaaphiya vakhuviru wi ewane ni Aisraele. Koma Apwiya yaawoopopiha Afilistaayo ni mawu ookhalla wonanko ogugudeya wa murimu woovenyera oddullu, ahaasimelliha nave yaathawa vamiitthoni va Aisraele.

Luka 19:27

Vano wa adanaaka ayo yahipaalla wi kikhalle mweniiwa, akuseni muweena wuno nave muwiiphe kiwoonaka!’ ”

Mateyu 28:18

Yesu aaphiya vakhuviru allota wi, “Attiitthaaka aakivaha olamulello muttheene wa oddullu ni wa vatthimva.

Oollalleya 12:14

Vallethi Mulluku aneereweeruza ddittheddene ddaweereya, ddaphaama apaalle ddoonanara naari ni ddoovittheya ddene.

Oollalleya 11:9

We Musombwe, hakallalla ni esombwe. Murimaawo ohakallalle mallapo a esombwaawo moollikana ni mmo opaalla wa murimaawo ni mmo miitthwaawo enoonelliiwa koma dduwella wi Mulluku aneerowiipa mullatu wa ddittheddenndda.

Masalimo 45:7

Munnakonda echilungamo, munniitana ni ddoonanara. Sika ekaambiiwa Mulluku, Mullukwaanyu, uuzozilleeyeni ni makhura oohakallalliha waakhwaranya akhwiinyu attheene.

Masalimo 21:1

Apwiya, mwene annahakallalla kaambiiwa moomuvaha masiva, annathapella wunchichi kaambiiwa moomupambaniha.

Masalimo 2:6

Apwiya enallota wi, “Kaamutthoolla khalle mwenaaka, vamwaangoni waweella wa Ziyoni.”

Masalimo 2:2

Mamweniiwa ennapangana ddakhoto, oolamulelliiwa enniiwanana ddoonanara, ddawaawukila Apwiya ni oozoziwiiwa.*

Oweeruza 5:31

“Nyu Apwiya, adanaanyu ekhweke etathiyeke ddiidda, Koma akhwiinyu ekhalle oowala wonanko nndduwa, nookhuma mwamasivaaye.” Vano ellapweeyo yaakhalla vamurendelleni miyakha 40.

2 Akorinto 5:10

Vawi hiyaano attheene ninaphwanella ophiyera vamiitthoni va Khrisitu wi neeruziwe ni olliyooyo. Arive muthu aneerothuviwa moollikana ni erive ello eerilleeye, yaphaama apaalle yoonanara.

Mitteko 10:38

Munnadduwella dda Yesu a o Nazareti nave wi Mulluku aamuvaha olliye Munepa Waweella owaakattho masiva. Aaya orive weko, weera ddaphaama ni waachiriha attheene ayo yalamuliwa ni masiva a Satana vawi Mulluku aari ni olliye.

Mitteko 4:27

Vawi tti ddawoona wi mwene Herode* ni oolamulella Pontio Pilato yaatthukumana m'muzindani mulle ni athu oohimullapella Mulluku navettho athu a o Israele ollipana ni Yesu, oorumeyellaanyu aweella, oyo mwamuzozilleenyu wi akhalle Mesiya.

Luka 1:69

Oonivaha Oovullusa amasiva, edduullu ya Davide, oorumeyellaaye,

Mateyu 25:34

Vano miyaano, mwene, kineerollota wa ayo a o nnattanatta wi, ‘Waani wuno nyu athu oodalisiwa ni Attiitthaaka! Waani mwaakhelle omwene oyo mwaakhozelliweenyu waambeella voophatuwani va ellapo yavatthi.

Yesaya 45:24

Eneerollota dda miyaano wi, ‘Echilungamo ni masiva ddiri mwa Apwiyave.’ Attheene ayo yakiwukilalle eneerowulliwa muru nave eneeroowa wa miyaano.

Yesaya 32:1

Enthawi emodda muhoollo oneerokhalla mwene mmodda oolamulella moolungama navettho enduna ddineerolamulella moolungama.

Masalimo 148:14

Apwiya ahaawelliha athwiiwa vawaavahani masiva, ahaariiha athwiiwa attheene oororomelleya, Aisraele ayo enaakondiiwa. Aleluya!

Masalimo 89:17

Vawi nyuwaano tti ntitimiho na masiviiwa, voonaakhullellani nnyaka nahu ninnapambana.

Masalimo 28:8

Apwiya sika masiva a athwiiwa woothawella nko oozoziwiiwa* anavulluwelliiwawo.

Yobu 40:9

Ethiyo wookhalla ni muwono wamasiva wonanko Mulluku? Ethiyo mawaawo ttuugugudeya monga eneerella aaka?

2 Samuele 22:14

Apwiya yaagugudeya ovenyera oddullu, Mulluku Amasiva Mattheene mawaaye yahiiweya.

2 Samuele 7:13

Yooyo sika anaakimakelle enyumba nave kineerokeraatthiha mpando wa omwenaaye wa enthawi yoohimalla.

2 Samuele 7:8

Sika vano wamulleelle oorumeyellaaka Davide wi mi Apwiya Amasiva Mattheene kinallota wi, ‘Kahuukusa woochiha enkhosa wi okhalle mwene owaalamulella athwaaka, Aisraele.

1 Samuele 16:1

Apwiya yaallota wa Samuele wi, “Ethiyo onaakhalle omwinllellaka Saulo ophiyera niini vawi koomukhoota wi ahikhalle mwene owaalamulella Aisraele? Oddallihe makhura mu yookusellaaweeyo. Oye wa Yese o Betelehemu vawi kohiiphwanyella mwene variyari va anaaye aallopwana.”

1 Samuele 15:28

Samuele aamulleella wi, “Apwiya ahaahulla omwene wa Aisraele ovenyera wa nyuwaano ollello ewuuvelleella wa mukhwiinyu aphaama wuukhwaranyani nyuwaano.

1 Samuele 12:18

Vano Samuele aavekella wa Apwiya nave Apwiya yaamurumiha murimu oowa ni ogugudeya nllapo nenno. Athu attheene yahoova wuullupalli, owoova Apwiya ni Samuele.

1 Samuele 12:13

“Vano olla sika mwene mwamutthoonlleenyu, oyo mwamvekilleenyu nave Apwiya yuuvahilleewani.

1 Samuele 12:3

Kuukoheni apaalle yookhallavo eyo kichimwalleemi wa nyuwaano? Yaarivo kiivaanyiheni vamiitthoni va Apwiya ni va mwenaanyu oozoziwa.* Ethiyo ttaani kamwaakhillekeemivo eng'ombe? Ttaani kamwaakhillekeemivo bulu? Ttaani kamoottotthillekeemivo apaalle omuhoosa. Ethiyo kaakhenlle ddamukaphwani ddawani wi mullatwaaye weete phaama? Oyo anaavelleelle omboni wawoona, kineeromuhokollosella ddittheddene kakusalleemi.”

Yesaya 29:6

Apwiya Amasiva Mattheene eneerewuuvullusa ni ogugudeya, echivomerezi ni onyakulla wuullupalli. Eneeromurumihattho namangalle, namondwe ni mallumi amunllo wawoononga.

Ezekiele 29:21

“Va enthawi yeeyo kineerewaavaha Aisraele masiva masha nave weyaano Ezekiele kineerewuuworiha ollota variyari viwa. Vano eneerodduwella wi mi tti Apwiya.”

1 Samuele 12:17

Ethiyo ella khehiyo ellimwe, enthawi yoomuhata tirigu? Koma kinapaalla kaaveke Apwiya wi emurupihe murimu oowa ni ogugudeya. Moona ddenndda mudduwelle wi ochimwa wanyu tti wuullupalli, voovekani wi mukhalle ni mwene.”

Masalimo 20:7

Amodda enaaroromella magareta akhoto, amodda enaakotella akavalo koma hiyaano ninakotella nnddina na Apwiya Mullukwaahu.

Masalimo 89:25

Kineerewunnuwiha omwenaaye ovenyera o Enyanja Yuullupalli ophiya o muhinje wa Yufurate.

Masalimo 132:17

Davide kineeromuphuwelliha nnyaka wenko, koomukhozella enyali oozoziwaaka.