1 Samuele 19:5 - Mawu a Mulluku

⁵ Vallethi ahiivelleella wunchichi voomwiiphani Goliyatoolle. Apwiya yahaakavihera Aisraele nllapo nenne vawaapambanihani nave ddahuuhakallallihani. Kaambiiwa tini munapaalleenyu omweerella ddoonanara Davide muthu oohichimoolla.”

1 Samuele 19:5 ပူးပေါင်းရင်းမြစ်များ

1 Epilli 11:14

koma Eleazara ahiimella muwariwari mwa emata aayiteteza nave aawiipha Afilistaayo. Sika Apwiya yahaavullusa ni waapambaniha wuullupalli.

1 Samuele 11:13

Koma Saulo aallota wi, “Khaavo ollellova muthu anaawiiphiwe vawi ollello Apwiya aaphara mutteko wowaavullusa Aisraele.”

Mateyu 27:4

Nave aallota wi, “Koochimwa miyaano voomuvelleellani muthu oohichimwa wi iiphiwe!” Yaamwaakhulla wi, “Khaninna mutteko ni ddennddo hiyaano. Oddoonelle weekhaawo.”

1 Samuele 20:32

Yonatani ahaakoha attiitthinnyaalle wi, “Kaambiiwa tini munapaalleenyu omwiipha Davide? Achimwalle tini?”

Oweeruza 9:17

Khehiyo attiitthaaka yuuvaddenreni ekhoto ehiya okumiiwa vooswaani wi yuuvulluseni nyuwaano wa Amidiyani?

Mitteko 20:24

Koma nginapwatha dda eyo enaakeereyelle. Emoddave eyo kinapaalleemi tti yawi kimallihe muttekwaaka ni orumeyella kavahiweemi ni Apwiya Yesu wi keere, ollalleya othenga waphaama wa echisomo ya Mulluku.

Masalimo 119:109

Okumaaka ori mu ddawoopiha enthawi ettheene komave nginatiwalla malamulwaanyu.

1 Samuele 28:21

Vaavo mutthiyanooyo aasusella vakhuviru ni Saulo. Nave amoonille wi animoova, aamulleella wi, “Apwiya, miyaano kahaakhullella ohiya vooswaani okumaaka vaweerani nnddo mwakivekilleenyu.

Afilipi 2:30

kaambiiwa ahiivelleella moollipa murima nave ohalla vakhuviru okhwa ekaamba ya mutteko wa Khrisitu wi akikavihere munipuroni mwanyu.

Yohane 15:25

Ddaari ddiidda wi mawu oolembiwa m'malamuloni yakwakhwanihiwe awi, ‘Yaakiita kihaalakwenlle.’

Mateyu 27:24

Pilato oonilleeye wi khaphuravo ello vawi vaakhalla mapokoso, aakusa maaddi anawa m'mattani vamiitthoni va athwaayo allota wi, “Mi nginna mullatu va nikhame na muthu yoolla, muddoonelle nyookha!”

Yeremiya 26:15

Koma vano dduwellani wi mwakiipha, muzinda olla ni athu attheene ookhallamo muneerottatthamulla mullatu woomwiipha muthu oohichimwa vawi tti ddawoona wi Apwiya sika yakirumalle wa nyuwaano wi mwiiwe ddittheddene kinalloteemi.”

Masalimo 69:4

Athu ookiita voohikhalla ekaamba tti awaata okhwaranya meehi a m'muruni mwaka. Athu oopaalla okoononga tti amasiva, okinanariha ni ddawoottha ddiwa. Ethiyo kihokollose nnddo kihiiyalleemi?

1 Samuele 14:45

Koma athu yaallota wa Saulo wi, “Iyaayi, Yonatani oophara mutteko wowaavullusa Aisraele okhotoni, vano khaniwaakhullellani wi mumwiiphe naari omuukutha. Eerilleeye ollellonndde amukavihere tti Mulluku.” Vano athu yaamuvullusa Yonatani nave khaawiiphiwe.

Oweeruza 12:3

Vano koonille wi khamunapaalla okivullusa, kaahiya murimaaka vooswaani killapuwa muhinje wa Yordani kawanana Aamoni. Apwiya yahaavelleella m'mattani mwaka. Kaambiiwa tini ollellova munaweenyu wi muwaneke ekhoto ni miyaano?”

Aheberi 2:3

Vano, ninaavulluwe mwawiidde navevulla yoovullusa yuullupalleella? Apwiya mwaneena sika yaambille ollalleya yoovullusa yeella nave ayo yawiiwalle yaanilleella wi tti ddawoona.

Eksodo 14:13

Vano Mose aawaakhulla athwaayo wi, “Muhoove! Llipani murima nave mweerekemoona oweha mmo Apwiya enaawuuvulluselleniiwa. Vawi Aiguputo ayo munawooneenyu ollello, khamuwa muwoonattho.

Masalimo 25:3

Ddawoona, attheene awuuroromellani ehiwulliwe muru, koma ayo enuukhootani mwaawullihe muru.

1 Samuele 19:6

Saulo ahaapella maaru nnddo allotille Yonatani nave aallupella vamiitthoni va Apwiya wi Davide khiiphiwa.

1 Samuele 22:14

Koma Ahimeleki aamwaakhulla mwene wi, “Apwiya, ttaani mwa oohoollella ekhoto attheene oyo ari oororomelleya wonanko Davide? Olliyoolle tti mukamwenaanyu, oohoollella akhoto awuutetezani navettho muthu ooriiheya mwa athu attheene eri mu enyumbaanyu.

2 Samuele 23:10

Koma olliyooyo aahalla, awiipha Afilisti ophiyera nnatta naye naatopa koma woohitathilla nsupada. Nllapo nenno Apwiya yampambaniha. Vatulli viwa Aisraele yaahokollowa yaakha dda athu awiiphiwaayo.

Masalimo 94:21

Aatthukumanella okumi wa oolungama, enakamulla wi oohikhalla ni mullatu yiiphiwe.

1 Epilli 11:18

Vano athu araru amasivaalle yaakhwaranya misasa dda Afilisti nave yaarika maaddi veehimeni ya Betelehemu eyo yaari vakhuviru ni va mullako valle. Nave yaakusa maaddaayo ewaana wa Davide. Koma Davide khaawiryalle maaddaayo, aawiithella muthaani wonanko yoovelleella wa Apwiya.

Masalimo 109:5

Sika ennakihokollosella ddoonanara munipuroni mwa ddaphaama. Ennakoonihella wiitana muniporoni mwa echikondi.