1 Samuele 19:17 - Mawu a Mulluku

¹⁷ Saulo iiwalle ddenndda aamukoha Mikala wi, “Kaambiiwa tini okillekilleewe mwawi ddiidda omwaakhullella mudanaaka wi athawe?” Mikala ahaakhulla wi, “Davide aakilleella wi, ‘Okikavihere wi kithawe, waaheera ddiiddo kinimawiipha.’ ”

1 Samuele 19:17 ပူးပေါင်းရင်းမြစ်များ

2 Samuele 2:22

Vano Abinere aamulleellattho asahele wi, “Kihiye ohinakiikarihaka kaambiiwa tini onakiwanddeellelleewe wi kiwiiphe? Vano miyaano kawiipha kinaaye kallote tini wa mwanamunno Yowabu?”

Agalatiya 4:16

Ethiyo vano miyaano vawuulleellani yawoona kootthattuwa mudanaanyu?

Mateyu 2:16

Vano Herode adduwenlleeye wi alleto a wookhuma nndduwaalle yaamoottottha, aasha murima. Ahaalamulella akhoto wi yawiiphe anamwani aallopwana oohikhwaranya miyakha miilli a mu Betelehemu ni m'mapuroni mutthemwene mwawaatamanana moollikana ni yeeyo aakohesesilleeye alletwaalle dda enthawi yoonilliiwa etheneereelle.

1 Mamwene 21:20

Vano Ahabu aamukoha Eliya wi, “Ethiyo we mudanaaka, wookiphwanya?” Eliya ahaakhulla wi, “Ee, kohuuphwanyani, kaambiiwa khaavo naari mmodda iikullihalle weera ddoonanara vamiitthoni va Apwiya wonanko nyuwaano.

2 Samuele 17:20

Akhoto a Abishalomu ephiyalle o enyumba wulle yaamukoha mutthiyanoolle wi, “Ethiyo moomoona Ahimaazi ni Yonatani?” Mutthiyanoolle ahaakhulla wi, “Yaayo aallapuwa muhinjoolla.” Nave yaawaashaasha koma kheyaawaphwanyille sika akhotwaayo yaahokollweella o Yerusalemu.

1 Samuele 28:12

Mutthiyanoolle amoonille Samuele, aakhuwa wuullupalli wi, “Kaambiiwa tini mukillekilleenyu? Nyuwaano tti mwene Saulo!”

1 Samuele 22:17

Vano mwenoolle ahaalleella oohoollella ekhoto wi, “Muwiiphe allupa mukutho a Apwiyaalla kaambiiwa eniiwanana ni Davide. Yaadduwella wi Davidooyo aamathawa koma kheyaapanlle okilleella ddenndda.” Koma akhotwaayo kheyaawiiphalle allupa mukutho a Apwiyaayo.

1 Samuele 19:14

Saulo aarumalleeye athwaalle wi yamuphare Davide, Mikala ahaalleella wi, “Davide animavoriiwa.”

1 Samuele 19:16

Athwaalle evollowille, vabedinimvo yamuphwannyevo mulluku a mpa owaaka yoohameella muru yamapururu a epuri omuruni waye.