1 Samuele 18:8 - Mawu a Mulluku

⁸ Echipweella yaamushiha murima wunchichi Saulo. Vawi aaganiza wi, “Davide oowiipha athu anchichi miyaano kiwiiphalle athu ooyeva. Vano vaava ehanlle tti tini wi emutthoolle akhalle mwene?”

1 Samuele 18:8 ပူးပေါင်းရင်းမြစ်များ

1 Samuele 15:28

Samuele aamulleella wi, “Apwiya ahaahulla omwene wa Aisraele ovenyera wa nyuwaano ollello ewuuvelleella wa mukhwiinyu aphaama wuukhwaranyani nyuwaano.

Miyambo 13:10

Wiitukhulla onnawiiha okangana koma oyo alangiziwe annakhalla ni ezeru.

Yakobo 4:5

Muheese wi khamuri yawoona mu mawu a Mulluku awi, “Munepa oyo Mulluku ahiyalleeye mwa hiyaano tti wooddalla ni minkhella ddamasiva.”

Estere 3:5

Hamani oonilleeye wi Mordekai khaamukokhorella apaalle omuweramella, aasha murima wunchichi.

1 Samuele 20:31

Ethiyo khonadduwella wi mwaana a Yese aahikhwa weyaano khokhalla mwene? Vano arume athu wi yamukuse eweena wuno wi iiphiwe.”

Miyambo 27:4

Osha murima onnawiiha ekuku nave onanariwa onnasefukella koma ehache ennattepa onanara okhwaranya ddittheddenenndda.

Oollalleya 4:4

Vano kaadduwella wi mitteko ddittheddene ni eruso ddittheddene ddinneereya ekaamba yawi mmodda anamukhallella ehache mukhwaaye. Ddittheddenennddo khaddinna mutteko nave oddaashaasha ddenndda tti wiikatamiha.

1 Mamwene 2:22

Mwene Solomoni aawaakhulla amennyaayo wi, “Munavekella tini wi Abishagi Mushunamu akhalle aaye a Adoniya? Vekanittho ni omweneene vawi olliye tti mwanamunnaka muullupalli nave anniiwanana ni mullupa mukutho Abiyatara ni Yowabu mwaana a Zeruya.”

1 Samuele 16:13

Samuele aakusa yookusellamo makhura, amuzoza vamiitthoni va asinne. Nave Munepa wa Apwiya waamuvollowa Davide mwamasiva waambeella nllapo nenno oya muhoollo. Vatulli viwa Samuele aatimulla oya o Rama.

1 Samuele 13:14

Koma vano omwenaanyu khollekella. Apwiya aaddaashella weekhiiwa muthu a vamurimani viwa wi akhalle mwene owaahoollella athwiiwa ekaamba yawi khamwaathwanre nnddo Apwiya yuulamulalleniiwa.”

Numeri 22:34

Balamu aamwaakhulla mungelo wi, “Koochimwa. Ngaadduwella wi munakiwallella ettilla. Ekaamba ya yeella, ddaarimi dduunanarilleni, kineerohokollowa.”

Numeri 11:1

Nllapo nimodda athu yaakhupanya Apwiya yiiwaka. Apwiya yiiwalliiwa ddenndda yaasha murima nave munllo wa Apwiya waakhara va athwaayo, oshellelliha misasa dda mukhwipi.

1 Samuele 18:9

Ovenyera nllapo nenno Saulo aamutthattusa Davide mudanaaye.

1 Samuele 19:1

Saulo aamulamula mwanaye Yonatani ni oohoollella ekhoto attheene wi emwiiphe Davide. Koma Yonatani aanamukonda wunchichi Davide.

Genesis 37:8

Nave asinne yaamukoha wi, “Ethiyo onaganiza wi weyaano ttuukhalla mwene nave ttuunilamulella hiyaano?” Sika vano yaamwiita wunchichi okhwaranya khalle ekaamba ya ddoolloha ni ddoollota ddayennddo.

Genesis 37:11

Sika asinnaalle yaamukhallella ehache wunchichi koma attiitthinnya yaakhalla eganizeraka ddenndda.