1 Samuele 18:7 - Mawu a Mulluku

⁷ Atthiyanaayo yaaniipa moohimaana wi, “Ee Saulo oowiipha athu 1,000, koma Davide awiiphalle athu 10,000.”

1 Samuele 18:7 ပူးပေါင်းရင်းမြစ်များ

1 Samuele 21:11

Vano enduna dda Akishi ddaamukoha Akishooyo wi, “Ethiyo yoolla khahiyo Davide, mwene a ellapo? Olliyoolla tti olle athu yiinaka yiipalliiwa wi, ‘Ee, Saulo oowiipha athu 1,000, koma Davide oowiipha athu 10,000.’ ”

1 Samuele 29:5

Ollathi tti Davide olle athu yamwiinelliiwa ni omwiipella wi, ‘Ee Saulo oowiipha athu 1,000, koma Davide awiiphalle athu 10,000.’ ”

Eksodo 15:21

Nave Miriyamu aawiipella alliwaayo nchipo nawi, “Wiipelleni Apwiya ekaamba yawi aapambana mootitimiheya, ahaavokhella mu enyanja akavalo ni oowellavo.”

2 Samuele 6:5

Vano Davide ni Aisraele attheene yaari ehakallallaka ni murimiiwa muttheene vamiitthoni va Apwiya, enawiipella machipo ni azeze, magitala, ekoma, misangwa ni eziwaya dda malipenga.

2 Samuele 18:3

Koma athwaayo yaallota wi, “Nyu khamunithwara kaambiiwa hiyaano nathawa adani khenipwatha nave hafu a hiyaano akhwa alliwaayo khenipwatha. Koma nyuwaano tti oopaalleya okhwaranya athu 10,000 a hiyaano. Ella sika ekaambiiwa oriiwa woopaalleya wunchichi wi nyuwaano munirumihelleke nikavihero ovenyera omuzindani wuno.”

1 Samuele 21:12

Mawu yaalla Davide ahaasunga m'murimani mwaye nave aamoova Akishi, mwene a o Gati.

2 Samuele 23:1

Mawu ookomihera a Davide tti awi, nna sika nchipo na Davide, mwaana a Yese, mawu a muthu oyo Apwiya yamweerilliiwa wi akhalle muullupalli oyo Mulluku a Yakobo amuzozilleeye wi akhalle mwene, muthu ooddivelliwa wiipa machipo aphaama a Israele.