1 Samuele 18:6 - Mawu a Mulluku

⁶ Vano akhotwaalle yahokollweelliiwa owaniwa, Davide amwiiphalle Goliyatoolle, atthiyana yaakhuma ovenyera m'mizindani ddittheddene dda Aisraele yiipaka machipo ni wiina emuchingamellaka mwene Saulo. Yaaniipa ni wiina ekoma ni ezitoliro moohakallalla.

1 Samuele 18:6 ပူးပေါင်းရင်းမြစ်များ

Oweeruza 11:34

Vatulli viwa Yefita aahokollweella owaniwa o Mizipa. Vano ngoonani, mwanaye aamutthiyana aakhuma amuchingamella, iipaka ekoma nave iinaka. Olliye aari mwanaye mmodda yooyo. Khaarinattho arive mwaana, aamullopwana apaalle aamutthiyana.

Eksodo 15:20

Vano Miriyamu, namallotella aamutthiyana, murokoriye a Aroni, aamukusa maasa nave atthiyana attheene yaamuthwara vatulli ewiipaka amaasiiwa, yiinaka.

Masalimo 68:25

Oowiipa machipo eri vahoollo, oowiipa ni ezipangizo eri mutulli, anamwalli awiipa asikoma eri variyari.

Eksodo 15:21

Nave Miriyamu aawiipella alliwaayo nchipo nawi, “Wiipelleni Apwiya ekaamba yawi aapambana mootitimiheya, ahaavokhella mu enyanja akavalo ni oowellavo.”

1 Samuele 18:5

Vano orive weko Davide arumiwaayewo ni Saulo wi awanewo ekhoto, aanaagonjiha adanaaye. Vawi Saulo aamutthoolla Davide wi akhalle oohoollella akhoto. Yeella yahaahakallalliha athu attheene naari oohoollella ekhoto a Saulo.

2 Samuele 1:20

Muhinallalleya ddenndda o Gati, muhinanivuwiha m'misewuni dda Ashikeloni wi atthiyana a Afilisti, oohiphaddiwa, ehinittheye.”

2 Samuele 6:5

Vano Davide ni Aisraele attheene yaari ehakallallaka ni murimiiwa muttheene vamiitthoni va Apwiya, enawiipella machipo ni azeze, magitala, ekoma, misangwa ni eziwaya dda malipenga.

Masalimo 68:11

Apwiya yaavaha mawu, atthiyana anchichi enawa ni othenga wawi,

Masalimo 149:3

Etitimihe nnddina niwa vawiinani, ewiipelle nchipo nooriya ni ekoma owaaka azeze.

Yesaya 30:32

Apwiya vawaallakani adani, athwiiwa enaakhalle yiinaka ekoma ni magitala. Apwiya aneena eneerowana ekhoto ni Aasiriya.