1 Samuele 18:23 - Mawu a Mulluku

²³ Enduna dda Saulo ddaamulleella Davide mawu yaalla. Koma olliye aallota wi, “Ethiyo muneesa mattheella okhalla mukamwene a amwene? Khamunoona wi miyaano kiri oohoowa ni oohivuwa?”

1 Samuele 18:23 ပူးပေါင်းရင်းမြစ်များ

1 Yohane 3:1

Ngoonani mmo Attiitthiihu enanikondelliiwa wawi ninnaromolliwa anamwani a Mulluku. Ddawoona hiyaano tti anaaye. Ellapo yavatthi khenanidduwella kaambiiwa khenamudduwella Mulluku.

Miyambo 14:20

Muthu oohoowa khanakondiwa naari ni akhwaaye koma eeyuuma annakondiwa ni athu anchichi.

Masalimo 119:141

Mi tti mung'onong'ono nave oovevuwa komave nginatiwalla malamulwaanyu.

1 Samuele 9:21

Saulo ahaakhulla wi, “Mi tti a nlloko na Benjamini, nlloko ning'onong'ono variyari va malloko mattheene Aisraele. Nibanja naka tti nibanja ning'onong'ono mu nlloko na Benjamini. Kaambiiwa tini munakillotelleenyu ddawi ddiidda?”

Genesis 29:20

Sika Yakobo aaphara mutteko miyakha mitthanu ni miilli wi amutthelle Rakele nave enthawi yeeyo yooneyille wonanko mallapo ooyeva, ekaamba yawi aamukonda wunchichi mutthiyanooyo.

Genesis 34:12

Killeelleni emphaso eyo munapaalleenyu nave muromolle orive mutengo wa emphaso yootthellella. Miyaano kineerewuuvahani erive ello munaaromolleenyu, mwakaakhullella wi kimutthelle namwalloolla.”

1 Samuele 18:18

Vano Davide aamukoha Saulo wi, “Mi kiri aani nave miyaano ni nibanja na makhollwaaka nineesiwa aani mu ellapo ya Israeleella wi miyaano kikhalle mukamwene a amwene?”

1 Samuele 18:22

Saulo aalamulella enduna ddaye wi, “Mumwiithanelle Davide vakhwipi mumulleelle wi, ‘Amwene ennuukonda navettho enduna ddaye ddinnuukonda, vano okhalle mukamwene a amwene.’ ”

1 Samuele 18:24

Endunanndde ddaamulleella Saulo ddittheddene nnddo Davide allotilleeye.

Miyambo 29:5

Muthu anamulleka mukhwaaye mwawoollowa anamureya nikwekwe.