1 Samuele 18:17 - Mawu a Mulluku

¹⁷ Nllapo nimodda Saulo aamulleella Davide wi, “Waakirumeyellaka miyaano voowanani ekhoto ya Apwiya moollipihella, kineerowinnya Merabi, mwanaka awaamba wi omutthelle.” Saulo aganiza wi, “Kihimwiiphe Davide meekhaami koma iiphiwe ni Afilisti.”

1 Samuele 18:17 ပူးပေါင်းရင်းမြစ်များ

1 Samuele 25:28

Pepaani mukhululukelle machimo a miyaano kaporwaanyu. Ddawoona, Apwiya eneerokeraatthiha nibanja nanyu mu omwene vawi munnamuwanella ekhoto. Nave yoonanara khephwanyeya mwa nyuwaano okumaanyu muttheene.

1 Samuele 18:25

Vano Saulo aallota wi, “Khaweni mwamulleelle wi, ‘Miyaano mwene nginapaalla emphaso wi amutthelle mwanaka koma kinapaalleemi tti etthoka dda mattapara a mukabudulani mwa Afilisti 100 wi kaahokolloselle yoonanara adanaaka.’ ” Saulo aganiza wi Davide aneerewiiphiwa ni Afilisti.

1 Samuele 17:25

Yaanallota muthu ni mukhwaaye wi, “Ngamooneni muthoolle! Anaweellesa oninyaambusa hiyaano. Vano amwene yaallota wi oyo anaamwiiphe muthu yoolle, eneeromwinnya eyuuma yinchichi, eneeromwinnya mwaniwa aamutthiyana wi amutthelle nave nibanja na attiitthinnya khaniwa nikhoma musonkho.”

1 Samuele 18:21

Aaganiza wi, “Kimwinnye Davide amutthelle wi akhalle musampha wawi Afilisti emwiiphe.” Ella sika ekaambiiwa Saulo amulleelleeye Davide waneepiilli wi, “Vano oneerokhalla mukamwenaaka.”

1 Samuele 17:47

Nave athu attheene etthukumannaalla eneerodduwella wi Apwiya khenavullusa ni nsupada apaalle nivaka. Apwiya sika mwaneena ekhoto nave eneerewuuvelleellani m'mattani mwahu.”

Masalimo 55:21

Mawaaye ennasalala wonanko batala komave m'murimani mwaye muri ekhoto. Mawaaye ennoollowa okhwaranya makhura komave aakhalla ni masupada awiisha.

Masalimo 12:2

Arive muthu annamoottottha mukhwaaye, anniisha nllumi naye, annallota ni murima mmodda.

2 Samuele 12:9

Kaambiiwa tini ovevullalleewe mawu a Apwiya vaweerani ddoonanara vamiitthoni viwa? Woomwiipha Uriya Muhiti ni nsupada nave woomutthella mwaariye. Woomweeriha wi Aamoni emwiiphe.

2 Samuele 11:15

Mukalatanimmo mwalembiwe wi, “Uriyooyo omuhiye vahoollo mvo vikatamihalle ekhoto nave omuhiye yeekha wi ahomiwe nave iiphiwe.”

Deuteronomo 17:7

Amboni sika enaambeelleke omuvokha malluku nave vatulli viwa arive muthu amuvokhettho malluku. Sika muvenyihekevo yoonanara variyari vanyu.

Numeri 32:29

Agadi ni Arubeni attheene ayo enaawore okhozeka wi yawane ekhoto vamiitthoni va Apwiya, ethaanana ni nyuwaano emullapuwa Yordani, yagonjiha ellapo eyo eri muhoollo mwanyu, mwaavahe ellapo ya Giliyadi wi ekhalle yayiwa.

Numeri 32:27

Koma hiyaano oorumeyellaanyu nineerollapuwa arive muthu akhozekille wi awane ekhoto vamiitthoni va Apwiya moollikana ni mmo nyuwaano apwiyaahu mulamulelleenyu.”

Numeri 32:20

Sika Mose ahaalleella athwaayo wi, “Mukhozeke vamiitthoni va Apwiya wi muye okhotoni.

Numeri 21:14

Ekaamba ya yeella nibukhu na ekhoto dda Apwiya ninallota wi, “Muzinda wa Waheba ori o Sufa, o ntapo na Arinoni,

1 Samuele 14:49

Anamwani aallopwana a Saulo yaari Yonatani, Ishivi ni Malikishuwa. Aakhallattho ni anamwani aatthiyana eelli. Muullupalli aari Merabi, mung'onong'ono aari Mikala.

1 Samuele 17:36

Miyaano kaporwaanyu kohiiphavo mikango ni ezimbalangondo ddene. Vano Mufilisti oohiphaddiwoolla, kineeromwiipha wonanko kiiphelleemi enamanndde vawi anavevulla milloko dda akhoto a Mulluku Ookumi.

1 Samuele 18:27

Davide aaya okhotoni ni akhotwaaye nave aawiipha Afilisti 200. Vano aawaana etthoka dda mattapariiwa avelleella wa mwene Saulo wi akhalle mukamwene a mwene. Saulo aamwinnya Davidooyo mwanaye, Mikala wi amutthelle.

1 Samuele 30:26

Davide aphiyalle o Zikilagi ahaarumihella akhwaaye ni oohoollella a Ayuda ddawaakha okhotoni, anamulleella arive muthu wi, “Akhellani emphaso ddanyu nnddo naakhilleehu wa adani a Apwiya.”

2 Samuele 6:16

Vano nibokosi na echipanganonne niphiyalle mu muzinda wa Davide, Mikala, mwaana aamutthiyana a Saulo aatthurumella vaniwindoni nave aamoona mwene Davide iinaka navettho ahakallallaka. Vaavo mutthiyanooyo ahaamba omuvevusa m'murimani mwaye.

Miyambo 26:24

Muthu oomwiita mukhwaaye eyanwaaye ennoollowa koma m'murimani mwaye annuukella ddoolleka.

Miyambo 26:25

Aaddivihaka mawaaye ohimuroromelle vawi m'murimani mwaye mooddalla ddoonanara khumi ni piilli.

Miyambo 26:26

Naari iipitthihaka olleka waye moochenjera onanara murima waye oneerodduwanyeya vaweella.