1 Samuele 18:10 - Mawu a Mulluku

¹⁰ Osaka wene Apwiya yaheeriha wi munepa woonanara omukitthelle Saulo nave ahaamba otokollolla yeekha mpa mwaye. Davide aawa anamwiipella gitala monga mwa mallapo mattheene koma Saulo aakhalla ni nivaka m'mattani mwaye.

1 Samuele 18:10 ပူးပေါင်းရင်းမြစ်များ

2 Atesalonika 2:11

Sika Mulluku aneerewaarumihella masiva awoottottha wi ekhulupilile ddawootthannddo.

1 Mamwene 18:29

Otthaana otthewene yaanakhuwa moosavuwa ophiyera enthawi yoovelleella mukutho yaakwakhwana. Komave waari ellapo tuu, khewaari mawu, khaarivo awaakhulla apaalle mmodda oopwatha.

1 Samuele 19:9

Nllapo nimodda Saulo ari mpa mwaye, nivaka niri m'mattani mwaye nave Davide amwiipellaka gitala, munepa woonanara woovenyera wa Apwiya waamukitthella Saulo.

Mitteko 16:16

Nllapo nimodda niyaaka o nipuro na mavekello, naakumana ni namwalli oyo aari mullupa mutteko nave oyo aari ni munepa woonanara oyo wamweeriha wi allotelleke dda muhoollo. Aanaaphwanyella apwinnya makobiri manchichi ni ollotella wayenko.

1 Samuele 16:23

Vano erive enthawi munepa woonanara wamuphiyera Saulo, Davide aanamukusa gitalaaye anamwiipa. Eeddiiddo Saulo aanaphwanya phaama nave munepa woonanara waanamuhiya.

Yeremiya 28:11

Ahaalleella athu attheene wi, “Apwiya enallota wi mmu sika kinaawinttakelleemi nigoli na okaporo na Nebukadinezara mwene a o Babiloni. Kineeronivenyihamo munikohini mwa athu a mitundu ddittheddene ddihinamalle miyakha miilli.” Vano namallotella Yeremiya aavenyavo.

1 Mamwene 22:12

Anamallotella attheene yaallotella emoddamoddave wi, “Khaweni o Ramoti Giliyadi nave muneeropambana. Apwiya ewuuvelleella muzindooyo m'mattani mwa amwene.”

1 Samuele 26:19

Nyu apwiyaaka amwene, apellani maaru nnddo kinaallote mi mullupa muttekwaanyu. Yaarimi eri Apwiya eweerihalleni wi mukiwukile onapaalleya waapepesa ni mukutho. Koma yaarimi eri athu, Apwiya yaatembelele vawi aakiikariha wi kihikhallekena mu yoohallana ya Apwiya koma wi kallapelleke milluku ddimodda.

1 Samuele 18:9

Ovenyera nllapo nenno Saulo aamutthattusa Davide mudanaaye.

1 Samuele 19:7

Vano Yonatani aamwiithana Davide amulleella ddittheddenendda. Aamukusa ayaana wa Saulo nave Davide aamurumeyella mwene Saulo wonanko eerelleeye khalle.

Oweeruza 16:20

Vatulli viwa Delila aakhuwa wi, “Nyu amamunaka, Afilistaalle enimawa.” Samisoni aavenya aganizaka wi, “Kineerokhuma wonanko mmo kineerelleemi erive enthawi nave kineerottaphuwa.” Koma khaadduwella wi Apwiya aamuhiya.

1 Samuele 19:10

Saulo aapaalla omuhoma Davide moomupataaniha ni esiri. Koma Davide aarapa nivakanno nihoma esiri. Davide aakhuma athawa mahiiyu vaavo.