1 Samuele 18:1 - Mawu a Mulluku

¹ Davide amallihalle ollota ni Saulo, Yonatani ahaattana wunchichi ni Davide vawi Yonatani aamukonda Davide wonanko iikondelleeye yeekhaaye.

1 Samuele 18:1 ပူးပေါင်းရင်းမြစ်များ

Miyambo 18:24

Awaattana ni anchichi annaddoononga koma vookhalla waattana waamodda nko onakhwaranya wa muthu ni mwanamunne.

1 Samuele 20:17

Yonatani aamullupellihattho Davide wi ahinahiya omukonda vawi Yonatani aanamukonda Davide wonanko iikondelleeye yeekhaaye.

2 Samuele 1:26

Mukhwaaka Yonatani kinnuumoriwella ethakaraka, wookhalla ori mukhwaaka a vamurimani vaka. Echikondaawo va miyaano, yaari yoottikhiniha wunchichi, yaakhwaranya echikondi yaatthiyana.

1 Samuele 18:3

Yonatani aakeraatthiha echipangano ni Davide vawi aamukonda wonanko iikondelleeye yeekhaaye

Akolose 2:2

Kineera ddenndda wi ellipihiwe murima ni wi yaattaneke mu echikondi nave wi ekhallena eyuuma ya osimikizella wookwakhwana nko onawa ni wiiwesesa wawoona. Mwawi ddiidda eneerodduwella yookhuweya ya Mulluku wi tti Khrisitu yooyo.

Genesis 44:30

Yuda aavirellella ollota wi, “Sika kahokollweella wa attiitthaaka, oorumeyellaanyu, ahiivo musomboolla vawi murima wa attiitthaaka ori va olliye,

Deuteronomo 13:6

Muthu ttuuwora wuullekani mwawiipittha wi mullapelle milluku ddimodda nnddo nyuwaano ni makhollwaanyu muhinaddillapellekeenyu. Naari muthooyo ari mbalaanyu awaamwana nipelle nimodda apaalle mwaninyu aamullopwana apaalle aamutthiyana apaalle mwaarinyu a vamurimani apaalle mukhwiinyu a vamurimani, muhillapelle millukunnddo naari vang'ono.

1 Epilli 12:17

Davide aakhuma akumanana nave ahaalleella wi, “Mwaarimi muwaaka wa miyaano wonanko akhwaaka wi mukikavihere, murimaaka oneerewiiwanana ni nyuwaano. Koma mwaarimi muweellaka okivelleella wa adanaaka naari kihuuchimwenlleni, Mulluku a makhollwaahu awooneni nave uullakeni.”

1 Samuele 19:2

Vano Yonatani aamulleella Davide wi, “Attiitthaaka enapaalla owiipha weyaano. Sika ochenjere, osiisello ohinase oye wiipitthe m'matani.

Oweeruza 20:11

Sika Aisraele attheene yaatthukumana yiiwanane emodda wi yawanena muzindooyo.

Masalimo 86:11

Nyu Apwiya, kihuddiheni ettilla ddanyu wi keeteke mu ddawoona ddanyu. Mukivahe murima woohikawaneya wi kooveke nnddina nanyu.

1 Samuele 14:45

Koma athu yaallota wa Saulo wi, “Iyaayi, Yonatani oophara mutteko wowaavullusa Aisraele okhotoni, vano khaniwaakhullellani wi mumwiiphe naari omuukutha. Eerilleeye ollellonndde amukavihere tti Mulluku.” Vano athu yaamuvullusa Yonatani nave khaawiiphiwe.

1 Samuele 19:1

Saulo aamulamula mwanaye Yonatani ni oohoollella ekhoto attheene wi emwiiphe Davide. Koma Yonatani aanamukonda wunchichi Davide.

1 Samuele 20:8

Okeerelle ddaphaama miyaano kaporwaawo, valle waakeraatthiha echipangano ni miyaano vamiitthoni va Apwiya. Kaarimi kuulakwenlle okiiphe weyaano weekhawo koma woohikhalla wi wakivelleelle m'mattani mwa attiittho wi kiiphiwe.”

1 Samuele 22:8

Koma nyuwaano munapaalla okiwukila miyaano! Khaavo naari mmodda a nyuwaano akilleelle mwanaka Yonatani iiwananeeye ni mwaana a Yese. Khaavo naari mmodda a nyuwaano anapwatha dda miyaano apaalle okinong'onella ddawi mwanaka aamullipiha murima Davide wi akiwukile monga mmu anakiwukilelleeye.”

1 Samuele 23:18

Vano eellaayo yaakeraatthiha echipangano vamiitthoni va Apwiya wi ehiwe yiitana. Sika Davide aakhalla o Horeshi nave Yonatani aahokollweella owaniwa.