1 Samuele 17:7 - Mawu a Mulluku

⁷ Yoomuteteza yaari wonanko ekopo yuullupalli yawoopella ekuwo. Muru wa nivakanno wallemella vakhuviru makilogaramu matthanu ni meelli a mukoko. Vahoollo vaye vaanakhalla muthu ootukhulla yoomuteteza.

1 Samuele 17:7 ပူးပေါင်းရင်းမြစ်များ

2 Samuele 21:19

Nave vaakhallattho ekhoto ni Afilisti o Gobu. Vano Elihanani, mwaana a Yairi a o Betelehemu aamwiipha Goliati Mugiti, oyo ekopo ya nivaka naye yaari yawiitivalla wonanko mukoko wawoopella ekuwo.

1 Epilli 11:23

Nave aamwiiphattho Muiguputo mmodda ooneneva ni oorekama mamita meelli ni hafu. Muiguputooyo aakhalla ni nivaka nuullupalli m'mattani mwaye noophwanaphwana ni mukoko wa muthu awoopa ekuwo. Koma Benaya aaphiya wa olliye akusalle ekopo nave aamwaakha Muiguputoolle nivakanne amwiiphana.

1 Samuele 17:41

Vano Mufilistooyo aaya amwaatamella Davide, muthu ootukhulla yoomuteteza ari vahoollo vaye.

1 Epilli 20:5

Nave vaakhallattho ekhoto ni Afilisti. Vano Elihanani mwaana a Yairi aamwiipha Lami mwanamunne a Goliati Mugiti oyo nivaka naye naari nawiitivalla wonanko mukoko wawoopella ekuwo.

2 Samuele 21:16

Vano Isibi Benobi, mmodda mwa edduullu dda athu amasiva ooromolliwa Arefaimu, oyo nivaka naye nallemella makilogaramu mararu ni hafu. Nsupada naye nisha niri mu laamba a muyuununi mwaye, aaganiza ddawi amwiiphe Davide.