1 Samuele 17:52 - Mawu a Mulluku

⁵² Vano akhoto a o Israele ni a o Yuda yahaamba okhuwa ewiikarihaka Afilistaalle ophiya o Gati ni omillakoni dda Ekeroni. Vano Afilisti oophoreya yaamiddamiddeya m'musewuni mutthemwene waambeella o Shaaraimu ophiya o Gati ni o Ekeroni.

1 Samuele 17:52 ပူးပေါင်းရင်းမြစ်များ

Yoswa 15:11

Vano maliraayo yaakhumellella wookitthella mwaango wa Ekeroni ompoto ephiya o Shikeroni, ekhwaranyella o mwaango wa Baala ekhuma o Yabinele yamallella o enyanja.

2 Samuele 23:10

Koma olliyooyo aahalla, awiipha Afilisti ophiyera nnatta naye naatopa koma woohitathilla nsupada. Nllapo nenno Apwiya yampambaniha. Vatulli viwa Aisraele yaahokollowa yaakha dda athu awiiphiwaayo.

Oweeruza 7:23

Aisraele a nlloko wa Nafutali, a nlloko na Asheri ni a nlloko na Manase nittheene, yahiithaniwa nave yaawiikariha Amidiyanaayo.

1 Samuele 17:53

Vano akhoto a Aisraelaalle yaawaawo woowiikara Afilisti wulle, eya omisasani ddakhoto dda Afilisti yaakha ddeko dda m'misasani.

1 Samuele 5:8

Vano yaawiithaniha mamwene mattheene matthanu a Afilisti yaakoha wi, “Neerena tini nibokosi na echipangano na Apwiya a Aisraele?” Athwaayo yahaakhulla wi, “Nibokosi nenna ninirumihe o Gati.” Vano yaarumiha nibokosi na echipanganonno wenko.

1 Samuele 5:10

Vano yaarumiha nibokosi na echipanganonno o Ekeroni koma naphiyiiwa o Ekeroni athu a wenko yahinlla wi, “Aaniwiihella nibokosi na echipangano na Mulluku a Aisraele wi aniiphihe hiyaano ni aniihu.”

1 Mamwene 20:21

Koma mwene a o Israele ahaathwara, aaphara akavalwaayo ni magareteene nave ahaatthollosa Asiriya.