1 Samuele 17:46 - Mawu a Mulluku

⁴⁶ Ollello vaava Apwiya eneerokikavihera wi kuugonjihe. Kineerewuukuha ni wuuphadda murwaawo. Mitembo dda akhoto a Afilisti, kineeroddivahella epallame ddamuddullu ni enama ddamuhakani wi athu a ellapo ettheene edduwelle wi wookhalla Mulluku o Israele.

1 Samuele 17:46 ပူးပေါင်းရင်းမြစ်များ

Yesaya 52:10

Apwiya aaphariha mutteko masiviiwa aweella vamiitthoni va mitundu dda athu ddittheddene. Ellapo ettheene yavatthi ophiya o makomello wiwa eneerewoona ovullusa wa Mullukwaahu.

Yoswa 4:24

Ekaamba ya yeella arive muthu va ellapo yavatthimva eneerodduwella masiva a Apwiya nave eneerowoova Apwiya Mullukwaanyu, wa enthawi yoohimalla.”

2 Mamwene 19:19

Sika nyu Apwiya Mullukwaahu, munivulluse wa muthu yoolla wi mitundu ddittheddene dda va ellapo yavatthi ddidduwelle wi nyuwaano nyookha tti Apwiya Mulluku.”

1 Mamwene 8:43

nyu mwiiwe oddullu munakhalleenyuwo nave mweere nnddo mulletooyo uuvekilleeyeni. Mweere ddenndda wi athu attheene a va ellapo yavatthi edduwelle nnddina nanyu nave ewoovekeni monga eneerella Aisraele athwaanyu nave edduwelle wi enyumba ella kiyimankeemi enadduwanyeya ni nnddina nanyu.

Deuteronomo 28:26

Mwakhwa, epallame ni enama ddamuhakani ddineerocha mitembo ddanyu nave khaavo naari mmodda anaaddiikare.

Daniele 2:47

Mwene aallota wi, “Ddawoona Mullukwaawo tti Mulluku a milluku ddittheddene navettho sika Apwiya a mamwene mattheene. Sika awuupullulla ddawiipittheya ddittheddene vawi weyaano woowora okuupullullella yawiipittheyeella.”

Eksodo 9:16

Koma kohuusungani ni okumi wi koonihe masivaaka ni ovuwiha epillaaka mu ellapo yavatthi ettheene.

Mateyu 24:28

“Sika ddeko ddenndda ddinnooniha wi omalla wa ellapo yavatthi wohaatamella wonanko otthukumana wa ephangwi onoonihelliiwa wi wenko wookhalla enama yookhwa.

Daniele 3:29

“Vano kinakeraatthiha lamulo nawi arive muthu a orive mutundu ni a erive ellotello amuvevulla Mulluku a Shadrake, Meshaki ni Abedenego aphaddiwephaddiwe nave enyumbaaye ekhalle ntepe. Khaavo mulluku mmodda oowora ovullusa mwawi ddiidda.”

Yesaya 37:20

Sika nyu Apwiya Mullukwaahu, munivulluse wa muthu yoolla wi mitundu ddittheddene dda va ellapo yavatthi ddidduwelle wi nyuwaano nyookha tti Apwiya.”

Masalimo 46:10

“Khurumuwani, dduwellani wi miyaano tti Mulluku. Mitundu dda athu ddinnakititimiha, a ellapo yavatthi ennakititimiha.”

1 Samuele 17:44

Vano Mufilistooyo aamulleella Davide wi, “Ngawa wuno, muhehaawo kinaavahelle epallame ddamuddullu ni enama ddamuhakani.”

Deuteronomo 7:23

Apwiya eneerewaavelleella adanaanyu m'mattani mwanyu nave eneerewaapallallesa ophiyera yoonongeyille attheene.

Deuteronomo 7:2

Apwiya Mullukwaanyu yaavelleellaka athu yaalla m'mattani mwanyu nave mwaagonjiha, mwaatthollose attheenaayo navettho muhaattanena apaalle oweerella echifundo.

Yesaya 56:9

Apwiya enaalleella athu a mitundu ddimodda wi ewe wonanko enama ddamuhakani wi yaattakhune athwiiwa.

Masalimo 31:8

Khamukihiyalle m'mattani mwa adanaaka, koma mookihiya va nipuro namurendelle.

Yoswa 10:8

Nave Apwiya yaamulleella Yoswa wi, “Ohiwoove vawi kohaavelleella m'mattani mwawo khaavo naari mmodda oyo anaawore ollipana ni weyaano.”

1 Samuele 14:6

Yonatani aamulleella musombwaayoolle wi, “Hanko nillapuwe niye omisasani dda akhoto a Afilisti oohiphaddiwaalla. Apaalle Apwiya ttuunikavihera. Vawi kheyiivo yowaavaanyiha Apwiya onikavihera wi naagonjihe naari nihaatille.”

2 Samuele 18:28

Vano Ahimaazi aakhuwa wa mwene allota wi, “Etitimiheye Apwiya Mullukwaanyu ayo yaavelleelle m'mattani mwanyu athu ayo yuuwukilalleni nyuwaano apwiyaaka amwene.”

2 Samuele 21:10

Vano Rizipa, mwaana aamutthiyana a Aya, aakusa echiguduli aanddellella vanllukuni mvo vaari mitembo ddaathwaayo, waambeella enthawi yoohateeyo ophiyera enthawi yawi murimu ahaamba orupa. Mutthiyanooyo khaapaalla wi vamitembonimvo otthaana viphiye epallame apaalle mahiiyu viphiye enama ddamuhakani.

1 Mamwene 8:60

Sika athu attheene a va ellapo yavatthi edduwelle wi Apwiya tti Mulluku, khaavottho mmodda.

2 Mamwene 5:15

Vatulli viwa Naamani ni athu attheene oomuvelleella, yaahokollweella wa namallotella a Mulluku. Aaphiya vamiitthoni va Elisha amulleella wi, “Ngoonani, mi vano koodduwella wi va ellapo ettheene khaawo Mulluku mmodda koma a o Israele. Vano akhellani emphasweella ovenyera wa mi kaporwaanyu.”

Yeremiya 34:20

Attheenaayo kineerewaavelleella wa adaniiwa ni wa ayo enapaalla owiipha. Nave mitembo ddiwa ddinaakhalle yoocha ya epallame ni enama ddamuhakani.

Genesis 40:19

Vavira mallapo mararu Farao aneerewuukhumiha mundendenimmu nave aneerewaalamula akhoto wi ephadde murwaawo. Vano mutembwaawo oneerotthomeyiwa vamuteekhoni nave epallame ddineerottakhuna muhehaawo.”

Yeremiya 19:7

Va nipuro nenna kineerovirikaniha yoolinga ya athu a o Yuda ni a o Yerusalemu. Athu a mwemmo kineerowiiphiha wa adaniiwa okhotoni nave kineerowoonongiha wa athu awiitanana. Mitembo ddiwa kineerodditthattusa yoocha ya epallame ni enama ddamuhakani.