1 Samuele 17:36 - Mawu a Mulluku

³⁶ Miyaano kaporwaanyu kohiiphavo mikango ni ezimbalangondo ddene. Vano Mufilisti oohiphaddiwoolla, kineeromwiipha wonanko kiiphelleemi enamanndde vawi anavevulla milloko dda akhoto a Mulluku Ookumi.

1 Samuele 17:36 ပူးပေါင်းရင်းမြစ်များ

1 Samuele 17:10

Nave Mufilistooyo aallota wi, kinnaavevulla akhoto a Israele ollello! Kirumihelleni muthu wi kiwanena.”

Zekariya 12:3

Nllapo nenno kineeromutthattusa Yerusalemu nlluku noollemella wunchichi wa mitundu ddittheddene dda athu. Attheene enaaheye otukhulla nineerewaavoreya wunchichi nave mitundu ddittheddene dda va ellapo yavatthi ddineerotthukumana vamodda wi ddillipanena.

Zekariya 2:8

Vawi arive muthu anuurontthani anaronttha m'mwiitthoni mwaka.” Sika Apwiya Amasiva Mattheene aakirumiha wi kaddilleelle mitundu dda athu nnddo ddawaakhille athwiiwa wi,

Ezekiele 32:19

Waakohe wi ‘Ethiyo nyuwaano tti ooreera waakhwaranya amodda? Mukitthelle o mahame vamodda ni amodda attheene oohiphaddiwa.

Yesaya 36:18

Sika nyu, muchenjere Hezekiya ahuukarangeyiheni vawuulleellani wi Apwiya eneerewuuvullusani. Mwa milluku dda athu a mitundu ddimodda, ethiyo ookhallavo naari mmodda oyo avullusallevo ellapwaaye wa mwene a o Asiriya?

Yesaya 36:15

Muhaakhullelle wi Hezekiya awoottottheni vawuulleellani wi muroromelle wi Apwiya eneerewuuvullusani nave wi mi mwene a o Asiriya khawaakha muzindaanyu.

Yesaya 10:15

Koma Apwiya enallota wi, “Ethiyo kottokwa ttuuwiitukhulla omukhwaranya oyo anatthallana apaalle saha ttuuwiiriiha omukhwaranya oyo anachekella? Valle ekoonda khenamutukhulla muthu koma muthu sika anatukhulla ekoonda.”

1 Samuele 17:26

Vano Davide ahaakoha akhoto ayo yaari vakhuviru ni olliyooyo wi, “Ethiyo muthu anaamwiiphe Mufilistoolla ni waavenyiha owulliwa muru Aisraelaalla enaamwinnye tini? Mufilisti oohiphaddiwoolla ttaani wi aavevulleke akhoto a Mulluku Ookumi.”

1 Samuele 14:6

Yonatani aamulleella musombwaayoolle wi, “Hanko nillapuwe niye omisasani dda akhoto a Afilisti oohiphaddiwaalla. Apaalle Apwiya ttuunikavihera. Vawi kheyiivo yowaavaanyiha Apwiya onikavihera wi naagonjihe naari nihaatille.”

1 Samuele 17:35

kaanayithwara ni omuvullusa mwaanaankhosooyo muwano mwiwa. Enameeyo yakhalla ya makani opaalla okilluma, kaanayiphara ereru ddaye ni oyiipha.

1 Samuele 17:37

Apwiya ayo yakivullusalle omikangoni ni o ezimbalangondo, aneerokivullusa wa Mufilistoolla.” Vano Saulo aamulleella Davide wi, “Khawe, Apwiya ekhalle ni weyaano.”

1 Samuele 18:17

Nllapo nimodda Saulo aamulleella Davide wi, “Waakirumeyellaka miyaano voowanani ekhoto ya Apwiya moollipihella, kineerowinnya Merabi, mwanaka awaamba wi omutthelle.” Saulo aganiza wi, “Kihimwiiphe Davide meekhaami koma iiphiwe ni Afilisti.”

1 Samuele 31:4

Nave Saulo aamulleella ootukhulla ezida ddaye ddakhoto wi, “Hullulla nsupada nawo, okihomena, woova wi oohiphaddiwa ttuukihoma nave ttuukittheelliha.” Koma ootukhulla ezidooyo, aakhoota vawi aamoova. Sika Saulo aakusa nsupada naye, amorellavo.

Ezekiele 28:10

Oneerokhwa wonanko muthu oohiphaddiwa m'mattani mwa athu eelleto. Mi koollota ddenndda. Ddawoona mi Apwiya Mulluku koollota.”

2 Epilli 32:17

Nave aalemba makalata eepewe owattatthamulla Apwiya Mulluku a Aisraele nave aallota wi, “Monga milluku dda athu a ellapo ddimodda ddihaavullusalle athwiiwa m'mattani mwaka, Mulluku a Hezekiya khaavullusattho athwaaye m'mattani mwaka.”

Daniele 5:23

Mohiitukhulla moovaanyihana ni Apwiya Ooddullu. Eziwiya dda o enyumba ya Mulluku aawaana o machellellwaanyu. Nave moomuwiryellamo vinyo nyuwaano, enduna ddanyu vamodda ni awarinyu uullupalli ni ang'onong'ono. Mootitimiha milluku ddasiliva, ddagolide, ddamukuwa, ddamukoko, ddamuteekho ni ddamalluku nnddo ddihinoona apaalle wiiwa. Khamwaamuvahille olemu Mulluku oyo anasunga m'mattani mwaye mpweyaanyu ni owehera meetellwaanyu mattheene.