1 Samuele 17:35 - Mawu a Mulluku

³⁵ kaanayithwara ni omuvullusa mwaanaankhosooyo muwano mwiwa. Enameeyo yakhalla ya makani opaalla okilluma, kaanayiphara ereru ddaye ni oyiipha.

1 Samuele 17:35 ပူးပေါင်းရင်းမြစ်များ

Amosi 3:12

Apwiya enallota wi, “Mmo anavullusella mbusa, meto miilli apaalle naaru dda enkhosa, emoddamoddave yeeyo athu a o Israele ayo enakhalla o Samariya enaavullusiwe ehakallallakave ni eyuumiiwa.”

Daniele 6:22

Mulluku aamurumiha mungelwaaye nave aawalla eyano dda mikango wawi khaddikivoreyille naari vang'ono kaambiiwa Mulluku ahoona wi kiri oohichimwa navettho oohilakwa vamiitthoni vanyu amwene.”

Masalimo 91:13

Oneerekonyingalla mukango ni evilli, oneerekonyingallella mukango ni enowa.

2 Samuele 23:20

Nave Benaya, mwaana a Yehoyada, a o Kabizeele aari muthu oollipa murima nave aphara mitteko dduullupalli. Olliye aawiipha akhoto eelli oovuwa a o Mowabu nave ahiipha mukango mu nlliti enthawi yooriirya.

1 Samuele 17:34

Davide aallota wa Saulo wi, “Mi kaachihaka enkhosa dda attiitthaaka nave mukango waphiya apaalle echimbalangondo yaphiya ni omuphara mwaanaankhosa variyari va enkhosannddo,

1 Samuele 17:36

Miyaano kaporwaanyu kohiiphavo mikango ni ezimbalangondo ddene. Vano Mufilisti oohiphaddiwoolla, kineeromwiipha wonanko kiiphelleemi enamanndde vawi anavevulla milloko dda akhoto a Mulluku Ookumi.