1 Samuele 17:34 - Mawu a Mulluku

³⁴ Davide aallota wa Saulo wi, “Mi kaachihaka enkhosa dda attiitthaaka nave mukango waphiya apaalle echimbalangondo yaphiya ni omuphara mwaanaankhosa variyari va enkhosannddo,

1 Samuele 17:34 ပူးပေါင်းရင်းမြစ်များ

Aheberi 11:33

Ekaamba ya echikhulupililo, athu awi ddiidda yaagonjiha moomwene, yaheera echilungamo, yahaakhella eyo Mulluku alonjezilleeye nave yaawalla eyano dda mikango.

Oweeruza 14:6

Vano munepa a Apwiya aamukitthella Samisoni awukhaddulla mukangooyo wonanko mmo muthu anamukhaddullelleeye musaanaapuri. Koma khaawaalleelle attiitthinnya apaalle amennya nnddo eerilleeye.

1 Samuele 17:33

Saulo aamulleella Davide wi, “Khokwakhwaniha owana ni Mufilistoolla vawi weyaano tti mwaana, olliyoolla tti muthu ooddollweella owana ekhoto ovenyera enamwanaaye.”

1 Samuele 17:35

kaanayithwara ni omuvullusa mwaanaankhosooyo muwano mwiwa. Enameeyo yakhalla ya makani opaalla okilluma, kaanayiphara ereru ddaye ni oyiipha.

Amosi 3:12

Apwiya enallota wi, “Mmo anavullusella mbusa, meto miilli apaalle naaru dda enkhosa, emoddamoddave yeeyo athu a o Israele ayo enakhalla o Samariya enaavullusiwe ehakallallakave ni eyuumiiwa.”

Genesis 31:39

Enkhosa yattakhuniwa ni enama yawoopiha, miyaano kaanallivella enthawi ddittheddene, ngaaphiyana vamiitthoni vanyu wi kooneye oohilakwa. Mwaanoonesesa wi killivelle erive ello yawiiyiwa mahiiyu apaalle otthaana.

1 Samuele 17:15

Koma Davide aanaya omisasani dda Saulo eeddiiddo aanahokollweella o Betelehemu woochiha enkhosa dda attiitthinnya.

2 Samuele 17:8

Hushai aallotattho wi, “Munnadduwella wi attiitthaanyu tti amasiva, athwiiwattho tti amasiva nave wi attheene murimiiwa onavoreya wonanko ezimbalangondo ddaakhiwe asaaniiwa muchipululuni. Woonjerera vaavo attiitthaanyu tti akhoto. Kheni ekhalle ni akhotwiiwa mahiiyu mattheene.

2 Samuele 23:20

Nave Benaya, mwaana a Yehoyada, a o Kabizeele aari muthu oollipa murima nave aphara mitteko dduullupalli. Olliye aawiipha akhoto eelli oovuwa a o Mowabu nave ahiipha mukango mu nlliti enthawi yooriirya.

1 Epilli 11:22

Nave Benaya mwaana a Yehoyada a o Kabizeele aari muthu oollipa murima nave aphara mitteko dduullupalli. Olliye aawiipha akhoto eelli oovuwa a o Mowabu nave ahiipha mukango mu nlliti enthawi yooriirya.

Masalimo 143:5

Kinnuupuwella mallapo akhalle, kinnaganizera dda ddittheddene muddeerilleenyu, mitteko dda mattaanyu.

Ezekiele 34:12

Mmo mbusa anaashaashelleeye enkhosa ddaye ddapallalleyella wuuteete, miyaanottho kineereweera emoddamoddave yeeyo. Kineeroddivullusa orive weko nko ddapallalleyelliiwawo va enthawi ya epiphi ni ya ethapo.

Zekariya 9:7

Khewa echattho enama yanikhame apaalle erive yoocha yoohaakhullelliwa. Oohalla attheene enaakhalle athwaaka nave enaakhalle wonanko a nlloko na Yuda. Aekeroni enaakhallettho mmodda mwa athwaaka wonanko yeerelle Ayebusi.

Zekariya 11:16

Vawi kineeromukeraatthiha mbusa mwiillaponimmu, mbusa ahinapwatheke enkhosa ddoorimeella, ahinaashaasheke ddoohollowa apaalle ochiriha ddoorakalla ni ochiha ddookumi. Koma olliye anaakhallelleke ocha enama ya enkhosa ddooneneva ophiyera opwesa ni akokotokwiiwa.

Luka 2:8

Waakhalla abusa amodda mu echigawo yeeyo, ayo yakhalla ohakani naari mahiiyu echihaka eziweto ddiwa.

Yohane 10:11

“Mi tti mbusa aphaama, oyo anapaalla okhwa ekaamba ya enkhosa.

Aroma 5:4

Ovillella onnaneeriha waakhullelliwa ni Mulluku nave waakhullelliwaangu onnaneeriha otiyera.

Yawuupullulla 13:2

Enama yuullupalli yawoopiheeyo yooneya wonanko nanthavi, manyallwaaye yooneya wonanko echimbalangondo navettho eyanwiiwa yooneya wonanko ya mukango. Enowa yuullupalleeyo yaavaha enama yuullupalli yawoopiheeyo masivaaye, mpandwaaye woomwene, owaakattho olamulellwaaye wuullupalli.