1 Samuele 17:26 - Mawu a Mulluku

²⁶ Vano Davide ahaakoha akhoto ayo yaari vakhuviru ni olliyooyo wi, “Ethiyo muthu anaamwiiphe Mufilistoolla ni waavenyiha owulliwa muru Aisraelaalla enaamwinnye tini? Mufilisti oohiphaddiwoolla ttaani wi aavevulleke akhoto a Mulluku Ookumi.”

1 Samuele 17:26 ပူးပေါင်းရင်းမြစ်များ

1 Samuele 11:2

Koma Nahashi Mwaamoni ahaalleella wi, “Kineereweera echipangano ni nyuwaano mwakaakhullella wi arive muthu a nyuwaano kimutthorokolle niittho noonnattanatta wi kaawullihe muru Aisraele attheene.”

Deuteronomo 5:26

Ethiyo ookhallavo muthu oyo akhanlleve ni okumi vatulli vawiiwani mawu a Mulluku Ookumi ari m'munlloni wonanko namwiiwelleehu hiyaano?

1 Samuele 17:36

Miyaano kaporwaanyu kohiiphavo mikango ni ezimbalangondo ddene. Vano Mufilisti oohiphaddiwoolla, kineeromwiipha wonanko kiiphelleemi enamanndde vawi anavevulla milloko dda akhoto a Mulluku Ookumi.

1 Samuele 17:10

Nave Mufilistooyo aallota wi, kinnaavevulla akhoto a Israele ollello! Kirumihelleni muthu wi kiwanena.”

1 Samuele 14:6

Yonatani aamulleella musombwaayoolle wi, “Hanko nillapuwe niye omisasani dda akhoto a Afilisti oohiphaddiwaalla. Apaalle Apwiya ttuunikavihera. Vawi kheyiivo yowaavaanyiha Apwiya onikavihera wi naagonjihe naari nihaatille.”

2 Mamwene 19:4

Mwene a o Asiriya endunaaye wi emuvevulle Mulluku Ookumi. Apaalle Apwiya Mullukwaanyu ahiiwa ovevullanngu nave eneerewaallaka athu yaavevullallaayo. Sika mwaavekellelle athu oohalla ayo eri ni okumi.”

Daniele 9:16

Nyu Apwiya, ekaamba ya olungama wanyu, ninaveka wi osha murima wanyu ni owallaanyu ddivenyevo va muzinda wa Yerusalemu, mwaangwaanyu waweella. Athu a ellapo ddawaapheella ennamuvevulla Yerusalemu ni athwaanyu ekaamba ya machimwaahu ni ddoonanara dda makhollwaahu.

Yeremiya 10:10

Koma nyu Apwiya, tti Mulluku awoona, tti Mulluku Ookumi navettho Mwene a enthawi yoohimalla. Ellapo yavatthi ennatikheya ni owallaanyu, athu a mitundu ddimodda khewora ovillella ni osha murima wanyu.

Masalimo 79:12

Nyu Apwiya, ovevulla wulle athu yuuvevunlliiwani mwaahokolloselle otthanu ni opiilli.

Masalimo 44:13

Moonitthattusa athu oovevuwa wa akhwiihu awaatamana, athu oonaapheella ennanittheya ni oninyemulla.

Nehemiya 5:9

Vano kaavirellella ollota wi, “Muneereenyunndda khe ddaphaama. Ethiyo nyuwaano khemunaphwanella omoova Mullukwaahu wi adanaahu a mitundu ddimodda ehininyaambuseke?

1 Yohane 5:20

Ninnadduwella wi Mwaana a Mulluku oowa nave oonivaha wiiwesesa wi nimudduwelle Mulluku awoona. Ninakhalla mu eyaattano ni Mulluku awoona vawi niri mu eyaattano ni Mwanaye Yesu Khrisitu. Olla sika Mulluku awoona nave olla sika okumi woohimalla.

1 Atesalonika 1:9

Athu attheene ennallota dda mmo mwanaakhellelleenyu ni mmo mwaarukunuwelleenyu wa Mulluku muhiyalle mafano wi m'murumeyelle Mulluku awoona ni ookumi,

Yowele 2:19

Apwiya yahaakhulla ni ollota wa athwiiwa wi, “Vano kineerewuurumihellani tirigu, vinyo ni makhura a olivi wi muvoneke wunchichi, nave mitundu ddimodda khadduunyaambusanittho.

Masalimo 74:18

Nyu Apwiya upuwellani wi adanaanyu ennuunyemullani, wi athu eepewe ennavevulla nnddina nanyu.

1 Samuele 17:30

Vano aarukunuwa anamukoha akhoto mmodda nndde aakohilleeye amoddaalle nave yaamwaakhulla emoddamoddave yeeyo.

1 Samuele 31:4

Nave Saulo aamulleella ootukhulla ezida ddaye ddakhoto wi, “Hullulla nsupada nawo, okihomena, woova wi oohiphaddiwa ttuukihoma nave ttuukittheelliha.” Koma ootukhulla ezidooyo, aakhoota vawi aamoova. Sika Saulo aakusa nsupada naye, amorellavo.

Yeremiya 9:25

Apwiya enallota wi, “Mallapo enimawa mvo kinaallakeemi attheene oophaddiwa ayo m'murimani mwiwa ehinapwathawo.

Yeremiya 9:26

Kineerewaallaka Aiguputo, Ayuda, Aedomu, Aamoni, Amowabu ni attheene ayo enakhalla mu echipululu oophaddera mphattamaaru. Mitundu ddimodda ddittheddenenndda tti ddoohiphaddiwa naari mutundu muttheene wa Aisraele tti woohiphaddiwattho m'murimani.”

Ezekiele 28:10

Oneerokhwa wonanko muthu oohiphaddiwa m'mattani mwa athu eelleto. Mi koollota ddenndda. Ddawoona mi Apwiya Mulluku koollota.”

Yoswa 3:10

Vano muneerodduwella wi Mulluku mukumi ari variyari vanyu. Nave olliye aneerowiikara Akanani, Ahiti, Ahivi, Aperezi, Agirigashi, Aamori ni Ayebusi.

2 Epilli 32:17

Nave aalemba makalata eepewe owattatthamulla Apwiya Mulluku a Aisraele nave aallota wi, “Monga milluku dda athu a ellapo ddimodda ddihaavullusalle athwiiwa m'mattani mwaka, Mulluku a Hezekiya khaavullusattho athwaaye m'mattani mwaka.”

Yesaya 37:23

Ethiyo we okhanlle omuvevullaka ni omullotella epewe? Ethiyo ttaani omukhuwenlleewe ni omuweha mwawiitukhulla? Khe mmodda koma Aweelloolle a Israele!

Daniele 5:23

Mohiitukhulla moovaanyihana ni Apwiya Ooddullu. Eziwiya dda o enyumba ya Mulluku aawaana o machellellwaanyu. Nave moomuwiryellamo vinyo nyuwaano, enduna ddanyu vamodda ni awarinyu uullupalli ni ang'onong'ono. Mootitimiha milluku ddasiliva, ddagolide, ddamukuwa, ddamukoko, ddamuteekho ni ddamalluku nnddo ddihinoona apaalle wiiwa. Khamwaamuvahille olemu Mulluku oyo anasunga m'mattani mwaye mpweyaanyu ni owehera meetellwaanyu mattheene.

Daniele 6:27

Olliye annavullusa ni waakiha anneera ezizindikiro ni ddoottikhiniha muddullu ni vatthimva, olliye sika amuvullusalle Daniele o masiva a mikango.”