1 Samuele 17:24 - Mawu a Mulluku

²⁴ Aisraele emonne muthooyo yaathawa kaambiiwa yaanamoova wunchichi.

1 Samuele 17:24 ပူးပေါင်းရင်းမြစ်များ

Yesaya 30:17

Athu 1,000 mwa nyuwaano eneerothawa voomoonani mudani mmodda. Akhoto atthanuve eneerokwakhwanella owiikarihani attheenenyu. Oohalla mwa nyuwaano eneerokhalla wonanko muteekho wa embendera ya va mwanamwaango wonanko echizindikiro ya va mwaango.

Yesaya 7:2

Nibanja na Davide niiwalle wi ellapo ya Siriya yohiiwanana ni ya Efuremu, mwene ni athwaaye yaatthukumella wonanko miteekho dda muutthakoni ddinatikhiwa ni ephevo.

1 Samuele 17:11

Saulo ni Aisraele attheene yiiwalle mawu a Mufilistooyo yaallakallakeya nave yahoova.

Deuteronomo 32:30

Ethiyo muthu mmodda aagonjihalle mwawiidde athu 1,000, athu eelli yaagonjihalle mwawiidde athu 10,000? Ethiyo khehiyo ekaamba yawi Nlluku niwa ohaareya etulli, ekaamba yawi Apwiya ahaatathilla?

Numeri 13:33

Naawoonattho Anefili, edduullu dda Anaki. Hiyaano nooneya wonanko middope nave alliwattho yanoonattho wonanko middope.”

Levitiko 26:36

Nave naari nyuwaano munaahalle, kineerowiikaatthi murima wawoova mwa nyuwaano mwakhalla mu ellapo ya adanaanyu. Muneerekothawa muttottoroso wa makattha. Muneerothawa wonanko mmo muthu anathawelleeye nsupada nave muneerowiikuha muhiikarihiwaka.

1 Samuele 17:23

Allotaka ni asinnaayo, aamoona Goliati a o Gati, muthu amasiva, akhumaka mu mulloko wakhoto wa Afilisti, allotaka ddoovevullanndde nave Davide ahiiwa ddenndda.

1 Samuele 17:25

Yaanallota muthu ni mukhwaaye wi, “Ngamooneni muthoolle! Anaweellesa oninyaambusa hiyaano. Vano amwene yaallota wi oyo anaamwiiphe muthu yoolle, eneeromwinnya eyuuma yinchichi, eneeromwinnya mwaniwa aamutthiyana wi amutthelle nave nibanja na attiitthinnya khaniwa nikhoma musonkho.”